【學者意見】城大潘永祥：出租公屋封頂 唔係逼人買

Yywong

【學者意見】城大潘永祥：出租公屋封頂 唔係逼人買

城大建築科技學部高級講師潘永祥表示，出租公屋數量停在80萬伙這個水平是可以考慮。但這種表述方式存在問題，令人錯覺再無出租公屋，無新公屋俾人租，但其實出租公屋數量滿足公屋輪候冊人士並沒有改變。

他解釋，假設每年新增2萬個公屋單位，無論作為出租公屋或綠置居出售予綠表人士，都不影響公屋輪候冊人士。假如新建2萬伙公屋單位作為綠置居，這是給予公屋住戶或公屋輪候冊人士選購，當公屋租戶買了綠置居，便需要騰出現有租住公屋單位讓公屋輪候冊人士。引伸而言，每年2萬個綠置居單位，變相有2萬個現有出租公屋騰出，騰出2萬個公屋單位可讓公屋輪候冊人士上樓。「如果問我，2萬個綠置居夠唔夠，我嫌唔夠，可以多啲，去到2.5萬個，加快公屋流轉。」

他認為，為出租公屋建屋量封頂，不單不會影響公屋輪候冊人士，而且還幫助納稅人。第一，節省建屋成本，2017至18年度，公屋建築成本約71.25萬元，至2020至2021年度為106.31萬元，換言之，假設每興建一個出租公屋單位要100萬元，納稅人就無100萬元。第二，出租公屋需要聘用大量公務員管理。當然公屋必須存在，並可以幫助市民，然而這是一個長期包袱。

他繼續闡述：「綠置居既可節省建屋成本，亦減輕這個長期包袱。而事實上，不少市民並不希望一世住公屋，希望擁有自己的物業。」

對於坊間有指政府逼人買樓之嫌？潘永祥強調：「呢個概念絕對錯!現在是否出租公屋封頂，只是興建綠置居，然後同排緊公屋輪候冊人士講：『對唔住啦，截龍啦，排隊只准買綠置居!』如果係咁，咁就真係逼人買樓。但而家絕對唔係，而家係俾人一個選擇權，既可以繼續排隊，又可以選擇綠置居，係呢個概念下，邊有人逼你去買樓呢?仍然有個選擇權俾你去租公屋。」

他續稱：「當然有人安於做公屋租戶，每月交千零數租，無人逼你。但亦有啲人係好想買樓，而家是俾個機會呢班好想買嘅人，完全不存在逼人買樓的做法。」

此舉對樓價有影響，會壓抑樓價。希望置業的公屋人士以往只能轉投私人市場，然而市場可以流轉到綠置居，此舉將壓抑細價樓市場。這不是雙贏，三贏，而是多贏。

blyyoho

不少市民希望一世住公屋，並不希望擁有自己的物業。

ksk111

不少市民希望一世住公屋，並不希望擁有自己的物業。
blyyoho 發表於 2017-10-27 21:11:10 原文

但也有公屋居民 想買樓，但現在私樓樓價又負擔不起。

Yywong

不少市民希望一世住公屋，並不希望擁有自己的物業。
blyyoho 發表於 2017-10-27 21:11:10 原文

是的，香港咁大，每一部份人也有， 喜歡買就買，唔喜歡買就住公屋，冇所謂！

metaltse

以前租置就真係成本價多D，但綠置居唔算點平，景泰近三百萬，你話成本價多5成內就話，最多限制買賣，當之前富戶買到七七八八，照計邊有咁多人有興趣買，由其D偏遠地區

TDbaby2017

咁樣叫做有選擇？咁輪候中嘅人士有得選擇嗎？擦鞋仔

woche125

就算有人買綠置而放返個單位出來都好，始終解決唔到縮短輪候時間，分分鐘，仲要廷長上樓既年期， 因為始終，伸請公屋既人，應該多過想買屋既人。

zxc

除非用成本價出售6置居，才可吸引多些人買

Yywong

以前租置就真係成本價多D，但綠置居唔算點平，景泰近三百萬，你話成本價多5成內就話，最多限制買賣，當之前...
metaltse 發表於 2017-10-27 21:38:42 原文

現在好多人正討論價錢問題， 相信價錢有機會平啲！

Yywong

就算有人買綠置而放返個單位出來都好，始終解決唔到縮短輪候時間，分分鐘，仲要廷長上樓既年期， ;054...
woche125 發表於 2017-10-27 22:21:52 原文

這主題不是討論縮短輪候公屋時間， 縮短輪候時間 ，是增加土地供應的問題！