|
心情動態：
來自非公營房屋 |
揸巴士正喎，屋企人有得免費搭巴士！
 「呢一行就係『一腳油門，一腳監倉』，再衰啲講句就係『 一腳油門，一腳殮房』」 如果份工真係咁筍，點解流失率咁高，仲要開成2萬蚊人工 （公司聲稱）嚟請人先？ 巴士佬話你知，做呢份工真係生理、心理都唔好受，仲積埋 積埋唔少怨氣。 「人工咁低，如果唔主動要求加更，根本都生存唔到。」 巴士司機入職實際底薪得萬一。喂，廣告又寫兩萬嘅？原來 招聘廣告嗰兩萬係計埋迎新獎金、安全獎金同服務獎金。 之後每個月要拎齊獎金，司機就要全個月冇撞到冇挨花架車 ，仲要完全冇乘客投訴。 「你知㗎啦，香港人最鍾意就係投訴⋯⋯」 集齊呢兩點，咁一個月計埋就終於有萬五蚊。 要平平安安要啲運氣，就好似你買六合彩咁，有人好彩有人 冇咁好彩。 呢個獎金對司機嚟講，唔係動力，而係壓力。 只要佢哋做錯少少，獎金金額一減就會減一半，甚至扣到一 蚊都冇。 所以，巴士司機界，就衍生咗加班文化。 個個都加班，唔通個個都想加班呀？ 佢哋為嘅只係一份保障，一份薪金嘅保障、一個生活嘅保障 。 獎金唔確保個個月有，份糧時高時低，難道生活費又真係會 一個月平一個月貴？ 「返早更嘅人，有幾多個真係夠瞓呀？」 就算唔夠瞓，夾硬頂硬上，又過一日。 「我哋都係人，我哋唔係一件機器。」 工時咁長，仲要加班，總要唞下嘅。巴士司機有得唞呀，真 係有得唞。 乘客企喺又熱又焗嘅巴士站等車，當然想快啲衝上車唞涼。 其實巴士司機都係一樣，想有個冷氣地方唞唞氣。 偏偏佢哋想有一個四四正正嘅休息室都好難。 「企喺巴士站頭食飯我都試過，咪話涼冷氣，連搵個位食飯 都難。」 有唔少巴士站都冇完善嘅休息室，甚至連搵張櫈仔坐低食飯 都冇。 有忍到熱嘅司機就會上巴士瞓，但咁嘅環境真係休息到？ 試問聲，已經休息唔夠嘅司機可以點唞？ |
||
|
u-01594-8
揀樓次序： P058613
|
|||
|
心情動態：
來自非公營房屋 |
宜家搭住巴士先, 第日坐賓士, 帶撈士, 住瑞士 
|
||
|
|
|||
歡樂香江
幸運星
