|
心情動態：
來自非公營房屋 |
臨時演員戲服勁臭 判頭爆離譜：一聞就想嘔
 尹天仇為了劇組飯盒，受盡白眼，現實中的臨時演員其實都非常辛苦。 《喜劇之王》入面，尹天仇飾演的臨時演員，幾經辛苦先得到劇組一個飯盒，現實中在TVB當臨時演員，其實更辛酸，要賺到一個飯盒都不容易，首先你要有驚人耐力，特別是嗅覺，因為那些給臨時演員穿著的戲服，長年不洗，尤其古裝，特別是清兵服，一位前資深臨時演員判頭（化名：阿強）：「件衫臭過你疴嗰篤屎！我絕對冇誇張！」
無綫每年盈利億億聲，除了開源，最重要是節流。 阿強是資深臨時判頭，深知做臨時演員辛酸，不要以為當判頭是「指揮官」不用做，大部份判頭都要和其他臨時一同落場，一齊著臭衫，他說：「佢哋幾時洗？咪當有幾個判頭一齊投訴，佢哋咪會洗囉，你真係要閉氣先可以打開嗰袋衫，時裝好好多，因為我哋會叫佢哋自備，但古裝我哋邊會有呀？焗著佢哋啲衫。」阿強表示明白劇組冇可能日日洗衫，但有些戲服十年一洗，不要說臭，衞生已成為一個問題。他說：「除非你好污漕，否則你落雨濕哂都唔洗㗎，你跳咗落海，成身泥，變咗泥鴨，佢哋就洗囉。（件衫嗅唔嗅？）冇一件唔嗅！只係分好嗅同非常嗅，有啲一聞就想嘔！」
古裝臨時演員的戲服最臭，相信演員都會聞到。 阿強更曝服裝部有「獨門」洗衫方式，他說：「佢哋好心嘅，咪會用冷氣吹乾佢囉，因為件衫乾咗，服裝阿姐好拎啲，冇咁重，第日咪俾返我哋著囉。」不過阿強表示服裝部近年年輕化，對臨時演員服裝的處理，人性了許多，他說：「佢哋都會問下啲助導，幾時會再拍大場面，如果有四日至一星期空檔，佢哋都會攞去洗嘅，不過千年污積洗得幾多呀？但都明白嘅，因為拍劇日日廠接外景，唔好講話臨時演員，就算一綫小生的古裝衫，其實都好鬼污糟㗎。」下次重溫《尋秦記》時，大家可能隔住個芒都聞到陣臭味呀！ 做臨時演員又豈止著臭衫呢？原來人工依然是十分低廉，以前日薪180蚊，現在實行最低高資，臨時演員待遇有否提升？ |
||
|
u-01594-8
揀樓次序： P058613
|
|||
|
心情動態：
來自非公營房屋 |
|
||
|
沒有解決不到的問題，只是你有沒有心解決。
沒有不可說謊的理由，只是你繼續想被矇閉。
|
|||
歡樂香江
幸運星
