事源發現廳冷氣機漏水情況好嚴重, 於是去管理處同主任講, 佢地派人上左門望一眼之後就俾左張紙我叫我自己約開利師傅CALL保養~開利師傅上到黎打開面蓋, 係冇拖部機出黎睇既情況底下, 就話係因為裝修期間太大灰塵導致入面去水路塞左, 所以D水就係另一D位置走出導致漏水~
而且仲同我講今次佢幫我通一次水路, 以後因為去水問題開利都唔會再包保養, 當係人為損壞~但個師傅走左之後冇15分鐘部冷氣又滴水啦, 咁塞都唔會咁快通完又漏啫...
其實我裝修期間一路都有封住, 而且有問題點解唔係3部而係得一部有問題? 我裝修師傅話同座好多人都有去投訢漏水, 應該係安裝個陣有問題!我問過做冷氣既朋友佢都話因為吸左裝修灰塵導致漏水機會唔高似係安裝有問題多D~
到今日我打返上開利工程部, 佢地話會再派人落黎, 今次會係兩個師傅同埋會CHECK埋平水, 不過佢地居然話如果平水有問題我要自己追返承建商因為開利唔係負責安裝個部份
有冇街坊都有類似問題? 同埋大家點解決?