高海寧(高Ling)今日喺會展出席秋日婚紗展,佢先後換上一套婚紗同三套晚裝,當中有大露背、透視露東西半球、Deep V露事業線及谷胸上陣,非常吸睛,之前話過希望收起性感嘅佢笑住話:「啲衫都係噚日先試,所以都冇得揀,間唔中露出嚟先矜貴,頭先都有人『嘩』。」
問佢係咪收到好高酬勞?佢就話:「價錢係好開心,不過都要努力工作先可以供到樓,因為我月尾就收樓。」有傳層樓月供要兩萬?高Ling話:「大家啲數口都計得好清,仲未計差餉、地租、管理費同家用,好多開支,不過我都希望儲多筆首期買另一層樓,因為我唔識投資,所以就買磚頭,收租都好呀!」
被問到買樓係咪想築愛巢,佢就笑指愛巢應該由男方負責。咁男朋友鄧智偉已經準備好愛巢?高Ling話:「冇呀,我同佢都未有。」至於被問到係咪打算兩年後結婚?佢表示:「唔係,我冇講過,但人生係要有計劃,我好鍾意BB,所以會睇住年紀,我希望35歲前,o依家我29+1,我都希望有個好歸宿。」係咪視鄧智偉為結婚對象先?佢竟然話:「我哋係好好朋友,啱傾嘅朋友,我哋都冇認過。」即係單身呀?佢即話:「救命呀,o依家係開心階段。」
(攝影:陳俊強)
高海寧(高Ling)今日喺會展出席秋日婚紗展。(蘋果日報)
佢先後換上一套婚紗同三套晚裝。(蘋果日報)
當中有大露背、透視露東西半球、Deep V露事業線及谷胸上陣。(蘋果日報)
(蘋果日報)
之前話過希望收起性感嘅佢笑住話:「啲衫都係噚日先試,所以都冇得揀,間唔中露出嚟先矜貴,頭先都有人『嘩』。」(蘋果日報)
(蘋果日報)
被問到係咪打算兩年後結婚?佢表示:「唔係,我冇講過,但人生係要有計劃,我好鍾意BB,所以會睇住年紀,我希望35歲前,o依家我29+1,我都希望有個好歸宿。」(蘋果日報)