數字說故事
對唔住我唔識咩Infographics,只係用個Powerpoint就咁畫個表。數字來源係《醫管局統計年報》,可以上網Google 自己睇。
1. 急症室求診人次和香港人口增長相約。
2. 來急症室求診的病人愈來嚴重,需要入院病人愈來愈多。
3. 公立醫院醫生和護士的比例,與總人口相比是有進步的,只不過是在住院方面追不上需求。
4. 床位在10年之間只增加了260張(不足1%)!
5. 老人家佔住院病人的比例愈來愈大,而且需要住的日數都比平均長。
==== 結 論:缺 乏 長 遠 規 劃 ====
1. 冰封三尺非一日之寒,流感只不過係最後一根稻草。10年之內人口都增加7%,你竟然加唔夠1%的床位,出幾百萬年薪加花紅果班個腦到底生晌邊?
2. 人口老化係重點,基層醫療度絕對可以做得更好,例如加強醫療劵計劃,令長者平時可以多點睇私家醫生同打流感針。同樣道理,我覺得可以研究下用醫療劵,資助比較負擔得到既市民去私家醫院做非緊急的住院檢查(再帶報告返來睇),留返公立的床收急症。
3. 唔可以降低醫委會考試門檻,輸入唔合格的醫生!我相信市民寧願等耐一點,都唔想自己睇果個醫生係未夠班的。更何況,呢一兩年會愈來愈多本地醫生畢業!