這是過往三年分配予公立醫院及私院的血包數目

folee0001

這是過往三年分配予公立醫院及私院的血包數目

這是過往三年分配予公立醫院及私院的血包數目，私院佔少於一成是真的，但都有8至9 percent, 其實大家的期望是最好99percent都係只俾香港人。所以，紅十字會若要提高大家捐血的信心，就要交待私院有幾多血包去左大陸人的非緊急手術。若交唔出數字，是無法釋除大家疑慮……

紅十字會 係要向公眾問責，唔係恐嚇公眾2017-05-06 /  黃世澤

香港血庫出現短缺問題， 紅十字會 係咁呼籲公眾捐血，但公眾要求 紅十字會 交代啲血去咗邊果陣， 紅十字會 喺facebook竟然玩到情緒恐嚇嘅手段，引起反感，結果引發關公災難。依家 紅十字會 反而更加難吸引公眾去捐血。

紅十字會 嘅PR太爛

對做facebook page admin嘅我， 紅十字會 搞出呢挺關公災難，其實都幾預測得到，因為喺 紅十字會 闖出大禍之前，有一啲平日唔喺我facebook出現嘅人，用類似口脗斥責我啲讀者，我結果ban人送客，兼且講明，醫管局同中聯辦啲PR想搞嘢，唔該用真account，唔好搵個二打六挑我機，結果依家係 紅十字會 自己闖禍，依家你想啲人去捐血，睇嚟都有啲難度，因為公眾反而更加警覺到中國病人濫用香港醫療系統嘅問題。

香港出現血荒，如果 紅十字會 以及醫管局唔講清楚啲血嘅流血，公眾好大機會係將指責對象指向果啲私家醫院，特別做狂醫療旅遊(medical tourism)果批，依家醫療旅遊喺香港已經變得極為神憎鬼厭，私家醫生自己唔交代清楚啲血用喺邊啲病人度嘅話，結果就係香港捐血嘅優良傳統，就俾呢班中國人毀於一旦，甚至我相信，如果公立醫院血荒持續果陣，隨時可能喺啲人走上私家醫院「驅蝗」，屆時就一啲都唔好玩。特別血荒出現嘅時候，啱啱好係中國五一黃金週嘅時間，中國人趁機嚟香港做手術兼長假又有乜出奇，公眾對 紅十字會 以及醫管局嘅質疑，都係基於合理懷疑，並唔係完全無的放矢。香港人唔會明知啲血會流入中國病人果度，而濫用大愛。

醫療旅遊，以免中華人民共和國在港產子呢啲鬧劇應該結束，香港醫療系統係用嚟照顧香港人，你中國人自己搞唔掂醫療系統，係你班友縱容共產黨搞爛個制度，點可能由香港人代你班中國人找數，呢個簡直係天方夜譚。 紅十字會 應該講明，香港人嘅血只會用喺香港病人，以及緊急情況下嘅旅客(不分國籍)，嚟醫療旅遊果啲，應該由其他安全渠道諗辦法攞血，而唔係攞香港人無償捐獻嘅血。呢班中國人，香港人都忍得好夠，因為呢班友實在過於自私自利，而且目中無人，不知感恩。

鄧aunti

如水

嚟醫療旅遊果啲  應該由其他安全渠道諗辦法攞血  而唔係攞香港人無償捐獻嘅血  呢班中國人  自私自利  目中無人  不知感恩  x2

Gino

folee0001

曾針炙洗牙都唔捐得 血包要先驗愛滋梅毒

(資料圖片)

過去網上不時流傳「愛滋病人捐血」的都市傳說，指有人借捐血散播愛滋病而引起市民對血液安全有猜疑。事實上，紅十字會輸血中心收集到的血液都會先經嚴格測試，檢驗項目包括愛滋病、梅毒、乙型和丙型肝炎、T-淋巴細胞病毒抗體，以及抗原和核酸等。

紅十字會發言人表示，市民每次捐血前都要先填捐血登記表，了解他們捐血前有否染病、服藥、懷孕或身上帶有傷口等，事前曾腹瀉都不能捐血。指引列明捐血前3日曾服食過含亞士匹令的藥物、曾做洗牙、脫牙等口腔手術、身上帶有傷口；或一個月內曾接觸過傳染病人或接種任何預防疫苗，同樣不宜捐血。紅十字會亦會要求在捐血前12個月曾接受紋身、針炙、穿耳、曾被針刺傷，以及曾到瘧疾地區的市民暫緩捐血一年。

捐血者經過篩選後，捐出的血包亦會再透過全自動檢驗系統，確保並無帶有可經血液傳播的病毒，同時所有血小板均接受細菌培植測試。當血液分派給各醫院前，每一袋血液成份都會貼上血型標籤及有效日期，並附有清晰標籤以識別產品，當中包括可追蹤捐血者的讀數、血型和其他重要的警告信息。

過去幾年香港亦曾發生輸血事故，包括今年初瑪嘉烈醫院一名AB血型的男病人被錯誤輸入O型血、2011年明愛醫院亦填錯一名本屬B型血的女病人為A型而輸錯血；2008年屯門醫院一名男病人懷疑輸入含「熒光假單胞菌」血液後死亡，但經血包上的資料追查，證實捐血者並無受感染，相信是運送箱內的凝結水有細菌導致血包受污染。

私院用免費血包收高價牟利？醫生透露一包血3千蚊涉工序成本

(資料圖片)

【新增內容】
紅十字會近期緊急呼籲市民捐血，指血存量僅餘下4日，竟掀起血包用途的爭議。有市民質疑，紅十字會免費供應血包給公院及私院，但私院卻向病人收取高價輸血費用，形容是利用市民的無私奉獻予私院牟利，認為有所不公。

有醫生透露，在私家醫院輸血確實需要收費，10年前曾向某私院查問價格，當時一包血收3,000元，而私院毋須向紅十字會付任何費用。他亦解釋，私院要就輸血收費，是因私院從紅十字會取血後，需要自行處理血液，例如要設立血庫，並要有專人看管，病人輸血前亦要再處理血液，而成本亦包括輸血的喉管。

有某私家醫院管理層則表示，私院輸血收費並非收取血包本身的費用，因血包是紅十字會免費提供，故醫院不會就血包收錢，而醫院所收的費用是輸血時涉及工序的成本，如護士要另外做抽血配血工序，醫院亦要處理血包，以及病人輸血用的喉管及接駁的過濾器也要另外收費。

亦有私家醫生表示，私院並非就血包收費，而是就輸血涉及的人手及醫療用品如喉管等收費，一般如輸一至兩包血的收費不高。

另有私院管理層表示，如三等房病人輸1至2包血，費用約數百元，主要是人手及醫療用品的費用。輸血費用會隨著房間等級而提升，如同樣病人輸1至2包血，頭等房收費可以是三等房的一倍或倍半。病人輸血數量越多，收費越貴，因病人或需每日換喉管，涉及醫療用品及人手成本。

私院就輸血收取高額費用亦時有所聞，如上月就曾有產婦在浸會醫院生產時，出現罕見的嚴重併發症「血崩(子宮嚴重出血)」，需要輸血約40包及做5次手術以止血，惟短短4天的治療，醫院費用已達天價的40萬元，令該對夫婦面對巨大還款壓力。

rainbow`

呢到d人好大愛架，仲話香港都會收國內捐贈器官/骨髓喎  
http://cyclub.happyhongkong.com/viewthread.php?tid=151972

folee0001

星期日休息： 血荒 點樣變成一場港中矛盾危機

血荒 本來唔應該變成一單好政治嘅事件，但香港往往係，涉及中國同香港之間利益矛盾嘅民生問題，都會變成極為敏感嘅話題。紅十字會因 血荒 呼籲市民捐血救人，反而變成咗唔少市民嘅抵制捐血運動。當然，顧及好多可能出意外市民嘅需要，如果有能力捐血，我仍然認為有需要捐血，因為香港走去買嚟自中國嘅血液，呢個對公共衛生係更為危險，中國血液係一種公害，呢個已經唔係乜嘢新聞嚟。否則高耀潔教授，就唔會做偵探咁查到為禍河南嘅大血禍，2007年最終被迫流亡美國。

血荒 再一次反映政府嘅唔老實

其實香港人雖然好多人係唔理政事，但喺民生問題上，好多人並唔係傻嘅。通常政府喺中國人有關嘅課題上，啲數據都係

folee0001

血荒 同奶粉危機係同一個問題嚟

點解中國人咁鍾意嚟香港睇醫生，香港好多醫護人員啲華語真係好水，而且山長水遠嚟香港睇醫生，甚至接受手術，係一件昂貴而且冒險嘅事。但中國人仍然咁做，因為中國嘅醫療系統已經係千瘡百孔，由醫生受咗賄至肯做手術，到亂咁打鹽水，到啲血受愛滋病毒污染，到做手術出咗事死咗人，可以即刻成間醫院啲人走佬，搞到家屬要去公安局搶屍，呢啲荒謬問題，其實研究中國政治嘅人係好清楚。當中國人為咗唔想自己喺醫院枉死，但又唔去改革個制度，咁咪千方百計用錢搭夠，反正都要被人刮一筆，不如俾香港醫院刮一筆安全啲，大批中國人嚟香港求醫，甚至買藥嘅背景，就係嚟自呢度。所以依家 血荒 問題，其實同奶粉危機好似，奶粉危機係中國啲嬰兒奶粉有三聚氰胺，腎生石仲衰過大頭嬰兒，跟住啲家長恐慌又唔能夠改變呢個政府，就大批嚟香港買奶粉，結果就變成香港嘅家長同市民為三聚氰胺危機找數，香港人當然唔服氣，結果奶粉引發後嚟嘅反走私客風潮，甚至後嚟要我出手提出限奶令。簡單嚟講，中國政治問題嘅溢出效應，搞到香港民生問題亂晒大龍，而香港人對此心有不甘，因此變成咗民生危機，奶粉危機如此， 血荒 危機同樣如此。

要解決 血荒 問題，或者類似奶粉嘅問題，左膠或大中華膠嘅答案，梗係建設民主中國。雖然港獨好難，但其實關注中國咁多年，我好早對建設民主中國心死，因為依家中國人嘅問題，其實都係一個人類學問題。當土耳其最近嘅公投，竟然向放棄凱末爾主義方向走果陣，我點可能相信今日嘅中國人有足夠嘅決心，認識自己文化嘅缺陷，並且努力改進，並向香港人學習良好嘅制度。相反，如果香港人可以依靠西方情況下獨立，香港文化本身都有唔少問題，你睇呢次部分本土派中人連content farm都可以信嘅反應就知。只不過，至少仲有機會保留部分英國人留低俾我地嘅文化遺產，但依家喺中國侵蝕底下，其實你會覺得咁搞落去，唔通移民？仲要移民都要，都會遇上排山倒海而嚟嘅中國人，搞出大量問題出嚟。

血荒 並唔係新問題，如果中國情況不變嘅話，我相信類似危機會重覆發生，直至大規模港中衝突爆發，呢啲真係系統性，或者結構性問題，如果中國人自己唔警覺問題，仲有啲五毛、左膠推波助瀾嘅話，我唯一結論係，最終會膠爆。

folee0001

【明報專訊】香港紅十字會日前指「全港血庫存量僅餘4日」，熱心市民一呼百應齊往捐血，但有上班族下班趕到捐血站卻吃閉門羹，昨日周末多個捐血站排長龍，其中旺角站一度最少要等3小時，本報統計發現一小時有逾120人到旺角捐血站，約100人因而離開。有捐血者建議捐血站應按都市人生活節奏，推遲開放時間。


前日捐血新高 紅會：血庫仍不足

紅十字會指上周五（5日）的捐血人數勝預期，有1728人，創近年新高，但現時血庫存量仍然不足，盼市民繼續捐血。

會方：彈性延長 會研究改善

紅十字會輸血服務中心行政及醫務總監李卓廣稱，捐血站同事會視乎情况加班，彈性延長開放時間，例如原本晚上7時或7時半關門的捐血站開放至晚上10時，「如有市民捐血，同事一定留守」；若遇捐血者較多，則會調配流動捐血隊同事到捐血站支援。問到「打工仔」難預計彈性關門時間，為何不考慮正式延長開放，李稱會研究相關安排。食物及衛生局長高永文昨表示，紅十字會亦面對一些困難，會採取可行方法，如彈性上班時間等，盡量建立更有效的血液採集機制。

本港多個捐血站昨日人頭湧湧，旺角捐血站昨午貼告示，指捐血人數多，預計由做血紅素測試至入針輸血的等候時間不少於2小時，其後於下午3時許改為不少於3小時，至9時半關門前仍需等2.5小時。

上班族﹕7時半關門 放工趕不及

本報記者昨午在旺角及銅鑼灣捐血站觀察人流。旺角捐血站在3時起的一小時內有125人到場，當中有101人見要久等而離開。銅鑼灣捐血站在半小時內約有50人到達，近半未登記便離開。

經常捐血的上班族黎小姐上周曾兩度到銅鑼灣捐血站，她指首次因要久等而離開，第二次則因下班後約8時到達，捐血站已關門。至昨早11時半，她再到該捐血站，花了兩小時才完成捐血，「由於時間緊迫，我最後捐完只是喝杯橙汁便離開」。

市民倡定期提示增流動站

黎小姐建議捐血站能因應都市人生活節奏，將開放及關閉時間同步推遲1至2小時，上班族便能於放工後捐血，更可疏導周六周日捐血人潮。她指不少上班族盼平日放工後捐血，但大部分捐血站平日晚上7時許關門（見表）。

至於如何避免血庫告急，黎認為可在捐血站以外地區如天水圍定期設流動捐血站，接觸及鼓勵更多人捐血。她說經常捐血者會忘記捐血日子，建議可提供短信提示，「定期捐到，就不需要在高峰期同大批人迫」。黎又建議可因應人流高峰，彈性延長捐血站開放時間。

立法會議員楊岳橋昨亦有捐血，並在Instagram指連輪候共花2.5小時，形容是「挑戰耐性」。他其後向本報稱，輸血中心職員十分盡力，「做到無停手」，諒解假日捐血者眾，「香港人當然想快點完成（捐血），但身邊的人都有耐性」。現時各大專院校中，只有港大及理大於校園設捐血中心，他稱可研究擴至其他院校，鼓勵大學生捐血。

folee0001

高永文感謝市民熱心捐血　指需求「365日都有」　盼維持捐血 (10:35)

香港紅十字會日前指「全港血庫存量僅餘4日」，熱心市民一呼百應齊往捐血，但有上班族下班趕到捐血站卻吃「閉門羹」，而昨日周末多個捐血站排長龍，其中旺角站一度要等候3小時。食物及衛生局長高永文今早感謝熱心市民捐血，又對市民輪候良久才可捐血表示「 非常不好意思」，紅十字會會透過可行行政方法，把血液採集時間安排得較適合市民生活規律。


高永文提到，這幾天市民捐血反應好，「前日紅十字會收集了超過1300個單位（血液），昨日收集超過1100個單位」，估計若情況持續數日，血庫存量可於周中回復至合理穩定水平，屆時血液採集工作亦會回復正常。

高永文續指，血液需求「每年365日都有」，期望市民捐血情況可維持過去兩日程度。