「我唔介意你冇錢住公屋」

過主啦

「我唔介意你冇錢住公屋」

陳柏宇（Jason）被網友封為人生贏家，好大個原因就係因為佢有個女友符曉薇（Leanne）！身為model嘅Leanne現年31歲，「薇宇戀」發展6年，將於今年拉埋天窗，日前《蘋果》就為呢位準人妻Leanne影婚前性感相留紀念，宣布將於7月2日喺九展舉行婚宴。

Jason曾陷事業低潮，2014年更加冇碟出，Leanne點解肯陪男友捱？呢位絕世好女友話：「我唔覺得係捱，識佢時佢直情冇乜收入，佢份人好大使，乜都用最好，比較有要求，當時佢冇錢，要問屋企借錢生活，我好記得當年同佢講：『你差唔多30歲人，我唔介意你冇錢住公屋，安全感唔係只花唔花心，仲有將來嘅生活，但萬一我哋分咗手，其實可能呢個世界，冇一個女仔可以信任同你一齊，因為你好似當天空係ATM，張開手就有錢攞出嚟！跟住佢就改變好多，開始儲錢。」

去年Jason終於捱出頭，仲被網民封為「隱世高手」，不過喺商台入面輸比軒仔我個「叱咤男歌手銀獎」，仲喺現場投票嘅「叱咤樂壇我最喜愛的男歌手」不敵坤哥飲恨，Leanne坦言：「好開心，終於有人見到佢！因為同佢一齊頭幾年，發覺好多頒獎禮佢都冇乜攞獎，我覺得好可惜，我同屋企人都覺得佢唱歌好好聽。」

問到鍾意男友乜嘢？Leanne話：「好真囉，我16歲入model呢行，冇遇過一個人好似佢咁真，佢喺台下同台上係一個人。佢好容易喊，多數飲咗酒喊，啱啱開始半年，佢喊住話好愛我好重視我，好感動！」

對於男友唱《你瞞我瞞》嘅動L片，Leanne當然冇錯過：「佢話最多點擊應該係佢自己，因為佢都想睇清楚係唔係，佢覺得好似畀人做過手腳。」問到Jason份人係咪好熱情？Leanne大笑：「唔係㗎，呢個有啲誇張喎，唱歌啫。」咁Leanne係咪男友歌迷？佢坦言：「拍咗拖先係佢fans，佢出道時我喺澳洲，連佢係邊個我都唔係好知道。」

Leanne最鍾意男友嘅歌係《沒有你，我甚麼都不是》，佢睇住男友嘅MV唱呢首歌，雖然有啲走音，但情感夠真，Leanne好冧咁話：「啲人成日話我同佢好似樣，連我屋企人都話我哋似樣。」

過主啦

攝影：沈健程 場地提供：香港九龍貝爾特酒店

陳柏宇同女友符曉薇（Leanne）將會喺7月2日舉行婚宴(蘋果日報)

日前《蘋果》就為呢位準人妻Leanne影婚前性感相留紀念(蘋果日報)

(蘋果日報)

(蘋果日報)

(蘋果日報)

(蘋果日報)

(蘋果日報)

Model出身嘅Leanne擺起pose上嚟真係不得了！(蘋果日報)

(蘋果日報)

(蘋果日報)

(蘋果日報)

(蘋果日報)

陳柏宇同女友拍拖6年

過主啦

陳柏宇（Jason）同符曉薇（Leanne）拍拖6年，其實「薇宇戀」有冇嗌過分手？Leanne接受《蘋果》訪問就坦言：「試過一次，就係佢唔記得我生日，哈哈哈！佢連續5年唔記得我生日，其實佢冇乜記性，嗰年生日我陰佢，打電話問佢放工有乜搞？佢話做gym，已經知佢唔記得我生日，我就話同以前男友食飯，佢話好，之後收線，我好嬲，5分鐘後打番電話畀佢，鬧完佢嗌分手之後，我匿自己屋企鎖埋門，因為佢有我屋企鎖匙，之後第二朝6點佢上我屋企撳門鐘，唔夠24小時好番。」

o依家轉埋行係咪男友唔鍾意女友做娛樂圈，所以轉戰商場？Leanne表示：「唔係，佢份人冇乜所謂，最緊要我搵到自己鍾意做嘅嘢，佢只係唔畀我性感，我拍《喜愛夜蒲》識佢，但我係唔着比堅尼個批。」

咁男友有冇缺點呢？Leanne甜絲絲話：「冇喎，佢唔係完美，但佢教我好多嘢，係我人生裏面一個老師，例如有朋友遲到放飛機，我會叫朋友唔可以咁，但佢話選擇得做朋友，要接受缺點，我覺得佢好有道理，佢都會包容我嘅缺點，例如我好鍾意去玩去蒲去party，佢好唔鍾意去，但佢好包容我做呢啲，我覺得佢好好。」

場地：香港九龍貝爾特酒店

攝影：沈健程

Leanne爆原來佢同陳柏字都曾經嗌過分手(蘋果日報)

(蘋果日報)

(蘋果日報)

(蘋果日報)

(蘋果日報)

(蘋果日報)

Gino

LKMAN

一般般，都好削吓

過主啦

一般般，都好削吓
LKMAN 發表於 2017-04-28 10:51:58 原文

大嬸当年削唔削

LKMAN

大嬸当年削唔削
過主啦 發表於 2017-04-28 11:19:16 原文

係索，5削

過主啦

係索，5削
LKMAN 發表於 2017-04-28 11:41:00 原文

NOW?  

鄧aunti

大大隻熊

係索，5削
LKMAN 發表於 2017-04-28 11:41:00 原文

有自信!