sales岩先上左門,態度很差!!岩先發生的有X電視sales超o嘴事件
有D長,但係超O嘴= =
留意紅色字..
P. #35 有最新情況.. 請大家小心呢個人
有個有X電視sales上黎sal台,係門口話「兩年3.3$有29台任睇,無需交任何費用」
咁我聽咁平,就比佢入黎睇下電視裝唔裝得(呢到我蠢左...),
跟住佢話OK收到,我就簽左紙(超蠢x2,因為我已經比佢洗左腦..(3.3$~~2年任睇~~)),
簽左之後,我先問佢2年內都係交3.3$咁平??
點知佢話係「每日3.3$,一個月99$ ( 佢之前一隻9字都冇題過...根本就係說話技巧黎誤導人...)
咁我聽左,就想唔要,點知佢話我依家簽左就唔取消得架拉,簽左就係合約,之後佢就打上台報單,
之後就有個有線公司打黎對資料既,我就問佢,
係唔係真係冇得取消架拉?? 點知話可以= =!
咁我就同佢講,但個sales又話簽左就唔可以改既??
公司個人話可能係個sales講唔清楚拉,係可以取消既,
跟住我就想取消,點知個slaes突然超誇張= =
話如果我唔要,佢會冇左份工,
係咁求我,又跪,又話會係到開窗跳落去= =....
又話咩為老豆老母先做野..
(但係我見佢拎住部iphone4 & nokie貴野手機... 仲話自己買左支差唔多成萬蚊既結他..)
咁我同佢講,係你岩先話唔可以取消既,如果你幫我取消左咪得,係你昆我,自己打埋上台報單,
佢又係咁話咩部門規定係咁,又乜又乜,總之就係藉口,
一直係咁求我.. 仲搵個頭撞落牆到- -...
之後我就叫左佢走先.. 佢走之前就係咁求我,話一定裝佢先走...
咁我就打發左佢走先....
總結就係..
1.我同佢三唔識七,我冇諗過害佢,我都唔想害佢,但係係佢自己昆我話唔可以取消,仲打上台報單..
2.一開始根本就用sales技巧黎誤導我... 又唔講清楚係99$一個月,等我簽完,先講,又話冇得取消.
依家我仲有個最後決定權,其實我真係唔太想裝,因為平常返工放工番到屋企又忙,查實冇咩時間睇,
裝黎浪費,一開始諗住裝,係誤信左「3.3$ 2年 任睇」...,但係唔裝,佢真係冇左份工,又唔知會唔會番黎找麻煩...
99$一個月,其實就真係唔算多,呢樣我知,但就係我無需要嚕... 如果係3.3$一個月,咁我就無所謂拉....
見佢緊張,又跪,又撞牆,又話跳樓,我都唔係冷血.. 但係佢又昆我在先,所以我依家都係十五十六...
聽日個安裝師父上黎,我仲可以當場決定裝唔裝
大家比比意見好嗎...
到底係做個好人,雖然冇需要,但裝,幫佢保住份工...
定係決心唔裝,唔好浪費錢,兼比個教訓"自食其果"佢?