|
心情動態：
來自非公營房屋 |
美國流行歌手Tommy Page自殺身亡 終年46歲
2017-03-05 09:50:59 HKT
90年代以冠軍情歌《I’ll Be Your Everything》紅極一時的創作偶像歌手Tommy Page，驚爆自殺身亡，終年46歲。 1970年出世的Tommy Page，擅長唱抒情歌，外型俊朗，係唔少90後fans的集體回憶，8歲開始接觸音樂的他，更和葉蒨文合唱過《I’m Always Dreaming of You》，二人亦都一齊拍過MV。 有指Tommy Page患有抑鬱症多時，多年來也是靠藥物控制病情，無奈最終仍傳出不幸消息。 Tommy Page本名叫Thomas Alden Page，1970年5月24日出生於美國新澤西州，8歲開始彈鋼琴，16歲搬到紐約，1988年18歲時在亞洲發行同名專輯，以《A Shoulder To Cry On》打開知名度，亦喺北美受到矚目，兩年後以《I’ll Be Your Everything》登上美國流行榜冠軍，接著開始攻佔偶像雜誌封面，在亞洲大紅特紅。 Tommy Page之後重返校園，就讀紐約大學商學院，之後任職華納音樂高層。     
|
||
|
|
|||
|
心情動態：
來自非公營房屋 |
美國男歌手Tommy Page於80年代至90年代曾紅極一時，他在本月3日卻突然傳來死訊，Tommy Page被發現自殺身亡，終年46歲。 據美國資深傳媒人Michael Musto在facebook上已刪除的po文指，Tommy Page患抑鬱症多年，近年都要靠藥物來控制病情，雖然他亦有家人支持，無奈最終仍傳出不幸消息。 Tommy Page從8歲開始學彈鋼琴，16歲搬到紐約，1988年即18歲時在亞洲發行同名專輯，以《A Shoulder To Cry On》一曲打開知名度，兩年後更以《I’ll Be Your Everything》登上美國billboard單曲榜冠軍，更拍葉倩文合唱《I'm Always Dreaming Of You 》，在亞洲區大受歡迎，是個90年代不可多得的偶像界代表人物。 年輕時的Tommy Page外型俊朗，曾迷倒不少女fans，不過他當紅時卻隱瞞同志身份，及後才低調出櫃，生前是名已婚同志，如今卻留下丈夫與三名子女。 〈24小時求助熱線〉   Tommy Page患抑鬱症多年  Tommy Page從8歲開始學彈鋼琴 |
||
|
|
|||
|
心情動態：
來自非公營房屋 |
殿堂級英國同志歌手佐治米高（George Michael）在去年聖誕節因為心臟衰竭於家中離世，度過其Last Christmas，消息令人惋惜。本月3日，46歲美國男歌手Tommy Page亦傳來自殺身亡噩耗，1988年出道的Tommy Page於90年代走紅，有傳Tommy Page生前患抑鬱症多年，近年要靠藥物來控制病情。 曾低調出櫃的Tommy Page，生前與丈夫育有三個小朋友，他最後一次更新twitter是1月中，當時他上載近照及近況，並於12月26日留言望病逝的佐治米高能安息，可惜如今其po卻獲大批網民及歌迷留言悼念。  George Michael與Tommy Page兩位昔日偶像先後離世。  Tommy Page於13年出席Billboard舉行活動。 美聯社  Tommy Page於90年代走紅亞洲。  12月26日，Tommy Page曾留言望佐治米高安息，如今該po卻有歌迷留言悼念Tommy Page。  佐治米高 |
||
|
|
|||
|
心情動態：
來自非公營房屋 |
90年代在香港紅極一時的美國男歌手Tommy Page，在美國時間周六因自殺離世，終年46歲。 Tommy Page雖然未曾在歐美躋身一線歌手行列，但他憑住俊朗外型，90年代卻在香港、日本等亞洲地區紅極一時，曾以偶像姿態成為當時的少女殺手。Tommy Page除了跟葉蒨文合唱《I’m Always Dreaming of You》及一同拍攝MV外，其歌曲《When I Dream of You》曾被黃凱芹翻唱成廣東歌《情歸何處》。 Tommy Page跟香港樂迷十分有緣，90年代初期多次來港出席活動及宣傳，更與樂壇天王劉德華、張學友等合照。1992年，Tommy Page更曾出席當時唱片公司的華納香港十五周年金鑽群星演唱會，當時唱出《A Shoulder To Cry On》一曲。  Tommy Page90年代走紅香港，更與劉德華、張學友同場合照。(蘋果日報)  92年Tommy Page來港出席華納十五周年金鑽群星演唱會   當時唱出《A Shoulder To Cry On》一曲。  Tommy Page與葉蒨文曾合唱《I’m Always Dreaming of You》。  《When I Dream of You》是Tommy Page代表作之一。   《When I Dream of You》曾被黃凱芹翻唱成廣東歌《情歸何處》。 |
||
|
|
|||
|
心情動態：
來自非公營房屋 |
90年代以冠軍情歌《I’ll Be Your Everything》紅遍亞洲的Tommy Page，本月3日卻突然傳來死訊，被發現自殺身亡，終年46歲。 當年Tommy Page來過香港出席港台 International Pop Poll, 逼爆港台錄音室，DJ李志剛憶述：「好記得當年港台舉辦國際流行音樂大獎，Tommy Page第一次嚟香港，當時成個S1錄音室都係歌迷，好洶湧好多人。 「Tommy Page係一個好内斂嘅人，官仔骨骨，好高好靚仔，佢以創作歌手自居，好多歌都係自己創作，好多大歌手都同佢合作過，好似New kids on the block、Madonna都有同佢合作，佢喺香港有好多fans。 「記得佢同葉蒨文合唱過，可以話係80年代尾、90年代初，好多年輕人偶像，佢嚟過香港好多次，非常熟香港，同酒店都好熟。佢識彈鋼琴，自彈自唱最煞食，不過佢都唔想大家只睇佢靚相，知道佢音樂才華，而佢後期受歡迎程度滑落，但90年代初無論亞洲區同老家美國都好受歡迎，佢離開好可惜！」  (左圖李志剛facebook圖片) |
||
|
|
|||
|
心情動態：
來自非公營房屋 |
情歌曾紅爆美國 劉偉民：Tommy Page好有鬥心2017-03-05 15:26:17 HKT
 90年代在香港紅極一時的美國男歌手Tommy Page，在美國時間周六因自殺離世，終年46歲。於90年代在Sony Music任職總經理，及在EMI、華納、滾石及寶麗金（環球唱片前身）等唱片公司工作的劉偉民，於華納年代與Tommy Page合作無數，對於Tommy Page自殺，感到相當可惜。 Ronny今日接受《蘋果》訪問時話：「Tommy Page係一個好容易被人誤解嘅歌手，佢外型睇起上嚟好似一個偶像歌手，其實佢係一個唱作人嚟，又會自己作曲，好多嘅歌都係佢一手包辦。喺1990年佢有一首叫《I'll Be Your Everything》成為美國冠軍歌，可惜之後佢流行程度慢慢減退，後期去到90年代頭，佢集中喺亞洲做宣傳，經常嚟香港。」 「當時佢係華納旗下歌手，我就喺華納做Marketing manager，所以都好多機會同佢一齊工作。包括佢同葉蒨文合唱過一首歌《l'm Always Dreaming of You》，佢亦曾經喺香港拍過music video，當時我哋搵咗杜可風做攝影師。記得好好笑，佢睇番啲playback，都問我：『嘩，個鏡頭搖來搖去，我睇都睇唔到，其實有冇問題嘅呢？』」 Ronny話自己都有好多關於Tommy Page嘅回憶，其中一次係約咗佢喺酒店做嘢，準備出發時去到酒店，個front desk同佢講Tommy Page唔喺酒店，佢留咗message俾Ronny話自己去咗麗晶酒店(即o依家嘅洲際酒店)。Ronny話:「吓，我明明約好咗，點解會去咗第間酒店？我就去到麗晶酒店搵佢啦，去到嘅時候見佢啱啱做完運動。佢同我講：『呢度我好熟㗎，所以佢哋俾我用佢哋個gym。』」 「後尾我諗諗吓，佢點解要特登喺我面前咁做，係其實我上一次講過佢好似肥咗小小，因為佢俾我上次見佢好似增咗小小磅，可能佢因為咁樣覺得要做番啲嘢俾我睇，喺我面前好有決心咁走到去第間酒店做gym，好勤力咁keep番自己體形。憑呢啲嘢可以睇到佢唔係一般任人擺佈嘅歌手，佢好有自己思想，亦都係一個好有鬥心、目標嘅人。」 |
||
|
|
|||
|
心情動態：
來自非公營房屋 |
被解約轉讀行政 Tommy Page返華納做管理層
2017-03-05 15:18:43 HKT  在香港紅極一時的美國男歌手Tommy Page，在美國時間周六因自殺離世，終年46歲。現任香港酒評人協會主席的劉偉民（Ronny），90年代在EMI、華納、滾石及寶麗金等唱片公司工作，與Tommy Page多次合作，他今日受訪時對好友離世感到惋惜。 Ronny繼續憶述故友往事：「另一個可能大家唔係好知關於Tommy Page嘅事，o依家好多人講話Suede嘅Brett Anderson係住喺旺角，如果係講Tommy，佢就係住喺尖沙嘴，因為佢喺尖沙嘴係相當之熟路，佢經常嚟都係住喺尖沙嘴區。後來Tommy嘅音樂事業都係唔係咁順利，可能真係因為外表影響咗，因為仍然好多人當佢偶像歌手，到偶像歌手潮沒落嘅時候，佢亦好難再喺呢個樂壇競爭。」 「好唔好彩，最後唱片公司都drop咗佢解咗約，完咗約之後冇同佢續約，結果佢好厲害咁走咗去New York一間大學修讀行政管理，讀完之後佢居然再走番入去華納做，今次就唔係做artist，今次係做行政，包括佢曾經做過A&R嘅高層，同埋promoton嘅副總裁，做到好高級。佢其實證明番自己好有用，亦唔係剩係得個樣，其實佢都好叻，做到一啲行政工作嘅人，最厲害係佢居然返番去同一間公司度。」 「佢做唱片公司或者係做artist嘅時候同我哋傾偈，佢好明白一樣嘢，我哋喺唱片行係非常之重視Billboard呢本雜誌，後尾佢就加入咗Billboard度做associate publisher，到最後升職升到publisher出版人添。所以你知道佢鬥心其實係幾咁強，同埋佢係一個好有目標嘅人，相當之聰明。收到佢自殺消息真係好詫異，不過都好難講，佢俾抑鬱症都折磨咗一段時間，都係因為個病令到佢有咁嘅決定。」 |
||
|
|
|||
|
心情動態：
來自非公營房屋 |
與Tommy Page同期 Jason Donovan、Kylie Minogue當代金童玉女
2017-03-05 15:48:00 HKT   憑着俊朗外型，Tommy Page吸引不少少女fans。（網上圖片）  Jason Donovan和Kylie Minogue合唱的＂Especially for you"是一代經典情歌。（網上截圖）  Tiffany和Tommy Page屬同期歌手。（網上圖片）  Debbie Gibson同樣對Tommy Page的逝世感到震驚。（網上圖片） 於8、90年代紅極一時的美國男歌手Tommy Page前日自殺(3日)，終年46歲。不少90後歌迷聽到這個惡耗都感到惋惜。 的而且確，那些年的外國流行曲，無論旋律和歌詞，到今時今日依然令人難忘。與Tommy Page同期的Kylie Minogue和Jason Donovan，合稱當代樂壇的金童玉女，前者的"I Should Be So Lucky"、" The Loco-Motion" 到後期的"Can't Get You Out Of My Head"，而後者的"Especially for you"、 Sealed With A Kiss"，首首都是歷久常新的經典洗腦歌。 而Tommy Page最近更新Twitter是在今年1月，他分別在1月6日及15日上載自己半身照片，表示正在創作新音樂：「我正在做新音樂，你會繼續見到我！」1月15日當日是Tommy Page最後一次更新相片，上載自己正在彈琴的照片，留言表示自己正在作曲。 同時，與Tommy Page同期的兩位外國女歌手，包括Debbie Gibson和Tiffany，都有在facebook留言，表示對Tommy離世感到震驚。Tiffany在facebook表示：「永遠專業、有創意，永遠給人啟發」，「我會永遠想念你。愛你」。 |
||
|
|
|||
