|
心情動態：
來自非公營房屋 |
70後港男如何每年買層樓？
2017-02-03 10:24:00 HKT   郭釗（Steven）自創一套理財哲學，他形容因自身性格夠「hea」。  郭釗年年買層樓，都咪話唔羨慕。 窮家子、中七畢業、科科肥佬……典型廢青？郭釗（Steven）自有一套理財哲學，打工儲首期、每年買一層樓，至今夫婦名下有超過20間香港、海外物業，每日只工作兩小時，每個月去旅行，他將自己的經驗命名為《Hea富學》，但講到明適合被社會折磨過的人讀，未摸索到自己路向的年輕人，想靠自己致富，還請繼續努力。 郭釗自稱是70後的MK仔，小三那年父親不幸中風，只剩母親支撐家庭。從小與書無緣，中七之後理所當然地打工養家。推銷過A4紙、再轉行至建材業，適逢得老闆傾囊相授行內竅門，郭釗努力學、努力做，但老闆開始有私心，扣起他的佣金。郭釗以為自己學滿師，公司生意又大多靠他跑回來，毅然自立門戶當老闆，豈料是現實摑醒他的第一巴掌。 打工與做生意又怎能混為一談？兼顧銷售、管理、入貨、甚至收貨款都是難題，性格難以與人合夥，唯有事事親力親為，「朝早七八點已經有人打嚟，要你解決問題。到夜晚八九點電話都未停。」 勤勤力力賺到笑，但賠上的是健康，偏頭痛、失眠、肩膊痛纏繞至今。「寧願搵少啲，身體好啲，多啲時間做自己鍾意做嘅事。」誰不想？ 郭釗的做法是，將積蓄繳首期，2001年借6成按揭買下太子一間約300呎的小單位，時價117萬元。當年他可以借盡9成，但當時覺得市況未明，借得較保守，但亦無法挽回到2003年時，慘變負資產，樓下地產代理標價僅80萬元，「好在銀行冇Call loan。」 銀紙貶值，磚頭保值，2006年起站穩陣腳，每年購買一項物業，3、4年前更進軍海外，出售一兩家香港物業後，在日本、澳洲、馬來西亞等地都留下腳毛，最近冷門到留意紐西蘭，圖其升值快、未被人發掘淨盡。 他的投資心法包括：以槓桿投資，但避免年息5厘以上的借貸，以免資金周轉不靈；買入優質資產Buy and hold，例如在香港有3個左右收租物業即可「印印腳」。何謂優質資產？起碼要提供高、穩定的現金流，而資產本身亦有「爆發力」，例如2012年的細價樓（400萬元以下），今日已升值幾倍，若4年前配合按揭買入放租，今日不但賺租金回報，更大賺樓價達20倍。 選擇買樓收租，保障有90歲命的生活質素，令自己「爆」一段、Hea更大段時間，騰空思考下一步試什麼、玩什麼。「做人最開心就是有得揀。香港嘈緊咁多聲音，都是因為冇得揀。打工開心，可以做得好開心。但如果唔返工唔得，咁咪冇得揀，咁咪唔開心。」買樓致富，就是想自己有得揀，可以早起為喜歡的事努力工作，亦可以睡至11點才施施然起床飲茶按摩通淋巴，每個月去旅行。郭太透露，夫婦倆單是一月份已去了兩次日本滑雪。 將異於常人的經驗寫成書後，郭釗反而不鼓吹年輕人跟車太貼，此書適合「想為將來打算，或者受過社會折磨嘅人睇。」雖然他仍相信今時今日年輕人只要稍為努力，不難獲得機會賺得第一桶金，但郭釗對想「Hea富」的讀者亦有要求，「太後生，未搵到自己條路，未知自己想做乜，（對此書）共鳴冇咁多。」 |
||
|
|
|||
|
心情動態：
來自非公營房屋 |
成功咗就可大大聲, 成王敗寇 
|
||
|
|
|||
|
心情動態：
來自非公營房屋 |
回應 我是傻的别拉我 
|
||
|
|
|||
|
心情動態：
來自非公營房屋 |
美國標準 
|
||
|
|
|||
