港男手淫社會調查

folee0001

港男手淫社會調查

「蕭別離」開個論壇吸引一班「志同道合」嘅巴打支持，好多巴打仲話深受手淫的禍害。其中一位戒咗兩年幾手淫嘅巴打阿Sam就話，「由我中二的暑假開始，我唔覺意在家中的電腦瀏覽時就接觸到黃及三級片。」

為了快感，阿Sam話，「小時候你會發現手淫是一件十分開心的事，因為它會帶給你短時間的歡樂，但它接著帶給你的禍害不會知道，因為你還年輕。」佢一日最高峰亦曾有四次之多。其後，身體的症狀都慢慢浮現，「去小便時要等，不會去得很暢順，而且係坐低時會有尿滲問題。」

過多手淫令到身體變差，戒除呢個習慣又係咪好事呢？中醫徐澤昌話中醫都鼓勵戒手淫，「手淫這件事在中醫角度來說是不太建議的，因為腎要藏精，腎主閉藏。」

徐醫師又話手淫對腎有很大影響，「手淫不停將腎精泄出，對於我們腎藏精功能是有影響。中醫認為人體精華要藏在腎，所以不停進行太多性行為或手淫過度，精華流失後亦都會影響我們的五臟六腑。」

醫師又指手淫過度還會令身體出現徵狀，「會望下去個人會容易衰老，容易甩頭髮，皮膚差，甚至出現一個心理層面的壓力。」

撰文:何紫
攝影:金文

folee0001

街訪大問卷 好多堅持唔會戒

有巴打公然在各大討論區大肆宣揚手淫嘅禍害，更不斷呼籲所有男網友要介手淫習慣，佢更以中醫理論同網友講解手淫對身體造成嘅傷害，並且親力親為，落區向市民派發「戒x傳單」，認真出心出力，但市民又buy唔buy佢嘅「戒x理論」呢?

《壹》仔即刻落區問問市問點睇巴打嘅「戒x理論」。雖然巴打嘅「戒x理論」有邏輯及清楚有說服力，但大部份人都表示唔會因為咁而「戒x」，甚至有女同學表示如果男朋友不手淫會有點覺得奇怪。

睇嚟對於一般男性而言，要「戒x」係一件好高難度嘅事，但最重要係做對自己健康有益嘅事，如身體上有任何問題就要請教相關嘅醫師或家庭醫生喇。

有人最高峰1日5次 男網民直認變虧佬

每個人都有性需要，亦係與生俱來的渴求，不過對於手淫呢回事，就唔係個個都接受到啦!最近網名「蕭別離」的24歲男子就喺討論區狂開帖，話手淫影響身體。咁都唔夠，佢自己仲開咗個論壇，鼓勵8，90後戒手淫，仲自製傳單派街坊添!

戒了一年多手淫的「蕭別離」話自己中學時期歲已經開始手淫，「我12歲中一時經同學教手淫。」第一次之後，就上癮啦，一日最高峰有四五次之多，只求幾分鐘快感的他開始感到身體出現症狀「中三開始我本身由一個上堂可以搶問題答的人，變到很害怕回答老師問題，很怕被老師叫到起身答問題。」

過來人嘅佢仲話，「多呢就會傷前列腺，你就會有早洩、陽痿等症狀，仲有，皮膚差，轉數慢、影響腦部、無記性、表達能力差。」

到中四時問題越來越嚴重，於是「蕭別離」自覺要戒除呢個壞習慣，佢又話戒手淫並不代表要做尚，亦唔係叫人唔好性行為咁話。對於男女感情，佢有獨特見解，「男仔經常說港女很得戚，收兵呀，其實主要原因都是男仔手淫令他們質素下降。」

撰文:何紫
攝影:金文

撰文:嘿文
採訪:何紫、嘿文
攝影:金文

您旺旺

一滴精……十谪血……

endlessrain

ohh no

我是傻的别拉我

強壯！

carriewwf

fung凰