36F成熟體態 39歲李珊珊再出寫真集 葉青霖高徒操刀

傻

36F成熟體態 39歲李珊珊再出寫真集 葉青霖高徒操刀

2016-10-14 19:05:00 HKT

珊珊01年推出寫真集《色相》，其36F貨真價實身材，震撼全城。

珊珊當年搵攝影師影寫真，指明要搵攝影大師葉青霖。

寫真內有唔少珊珊嘅水着，展現健康性感。

當年只有24歲嘅珊珊，身形fit到漏！

到05年，珊珊再下一城，同葉青霖合作拍攝纖體廣告。

着上超性感泳衣嘅珊珊， 一輯「玩蛇」相，成為代表作。

6月中，神穩多時嘅珊珊，忽然喺微博，宣布拍賣港姐后冠。

講明所得善款，不扣除成本，全數捐俾6個慈善機構。

珊珊係96年港姐四料冠軍，同屆亞軍為潘芝莉，季軍袁彩雲。

珊珊同葉青霖老友鬼鬼，00年佢更同前度錢嘉樂，幫葉前妻廖安麗嘅婚紗公司影婚紗照。

近年少有現身公開場合嘅珊珊，日前慶祝39歲生日，亦只po冇樣睇嘅相。

有指珊珊近年身形走樣，珊珊話減磅已經有成效，但仍想再fit啲先影寫真。

傻

96年四料港姐冠軍李珊珊，神隱多年，今年6月突然喺微博宣佈一個驚人創舉－－拍賣港姐后冠，講明會將所得款項，不扣除成本，全數捐畀6個慈善機構。呢個喺港姐歷史中真係史無前例嘅義舉，唔少人都舉腳贊成同支持，不過等咗幾個月，似乎冇乜動靜......

之前有傳珊珊會喺9月拍賣后冠，但早前珊珊表示會延至明年1月舉行。據本報收到消息，原來珊珊正密謀推出一本純影集，以配合后冠拍賣宣傳。過去珊珊只曾推出過兩本寫真集，包括99年《心塵泊岸》散文攝影集及01年《色相》攝影集，全部都係由大師級攝影師葉青霖操刀。

當年珊珊係風靡一時嘅36F性感女神，噴血身材迷倒一班宅男，唔少攝影師爭相合作，但珊珊只對葉青霖投以信任票，05年兩人再度合作，為纖體廣告拍下一輯玩毒蛇廣告，由於意識過於大膽而遭無綫禁播，成為一時佳話。

今次拍賣后冠不容有失，珊珊當然希望能再一次同葉青霖合作，不過葉青霖已於2010年削髮出家，令珊珊一度打消念頭。直至近月，葉青霖首席入室徒弟Martin Lam欲成其事，主動聯絡珊珊，據了解近日兩人已見過面洽談細節。

今日《蘋果》致電Martin，問到係咪會同珊珊合作出純影集？Martin口密不願多談，但承認曾見面，佢話﹕「呢樣嘢暫時唔方便透露住，要問番珊珊先，交畀佢發表好啲。(同珊珊傾咗未？)有見過面傾過，但詳情都係交番俾佢啦，佢先係呢個project嘅策劃人，但珊珊係一位我好欣賞嘅藝人。」

而珊珊早前生日喺微博貼相，繼續遮樣兼着全黑運動裝，受訪時笑言：「畀個body你哋睇嘛，keep fit有進展，但未係我最想要嘅時候。」令人期待珊珊今次寫真有乜新突破！

傻

李珊珊舞13公斤巨蛇 全身游走好大膽

2016-10-14 19:03:00 HKT

96年選港姐時已經係大熱門。

拍個輯舞蛇廣告，珊珊話過當時男友錢嘉樂好支持。

玩透視效果。

05年珊珊拍咗呢輯最性感嘅減肥廣告，特點係舞蛇。

中間好多大條事業線。

條蛇重13公斤，仲不停游走。

本錢。

李珊珊喺96年參選港姐，好快就被

傻

李珊珊喺96年參選港姐，好快就被捧做大熱門，仲拎埋冠軍，點解？無他嘅，因為佢完美笑容加上36F上圍，真係輕易就突破咗滿分呢個框框。

講到李珊珊最fit 嘅一段日子，就必定要講番05年幫纖體公司「減肥堂」拍嘅一輯廣告！記性好嘅讀者，尤其係男士，一定知道講緊嘅珊珊舞蛇嘅廣告。

珊珊當時只係着住好少布嘅蛇皮泳衣，喺鏡頭前搔首弄姿，仲有佢嘅拍檔重13公斤嘅「過山烏」。呢條大蛇絕對唔係道具，而係活生生嘅動物，珊珊任由條蛇喺身體游走，又輕撫蛇身，相信睇過廣告後嘅男士，都會好妒忌條蛇。

由於真係要舞蛇，廣告公司要為珊珊買300百萬保險，呢個廣告經典嘅原因，唔只係珊珊博老命演出，大台當時仲以意識過於大膽為由禁播。當時珊珊仲承認，攝影師葉青霖幫佢喺馬爾代夫另外影咗一啲性感相留念，但絕對唔係裸照，仲話唔會公開呢批相。

傻

九十年代港姐冠軍有兩位仲未嫁 李珊珊之外仲有邊個？

2016-10-14 19:04:00 HKT

袁詠儀同張智霖

郭藹明同劉青雲

盧淑儀同李克勤

莫可欣同方中信

譚小環同蔡強榮

楊婉儀同王瑞勳

李珊珊曾經同錢嘉樂拍拖

翁嘉穗同鄔友正

向海嵐表示o依家仲係單身

郭羨妮同朱少傑

傻

九十年代已經係廿年前嘅事，當時嘅港姐，大家又記得幾多位呢？佢哋有8成都已經成為人妻，有幾位仲幸福到爆o添！不過就有兩位未有着落，其中就包括李珊珊同向海嵐，但係唔緊要！因為佢哋o依家都係一等一嘅美魔女：

1990年 袁詠儀 眾所周知袁靚靚2001年同Chilam結婚做人妻，06年仲幫老公生咗「魔童」張慕童，幸福程度唔使講啦！ 1991年 郭藹明98年嫁畀老公劉青雲，近年淡出影壇，去年劉青雲拎金像獎影帝時嘅「太空船論」冧爆老婆之餘，仲冧爆香港人，最近仲傳出佢送「小飛船」公司同dream house畀佢，sweet到呢！

1992年 盧淑儀 當選冇耐就同老公李克勤拍拖，06年仲2結埋婚，喺2007同2010年仲幫老公生咗兩位公子李立仁同李力司。

1993年 莫可欣 96年男神方中信拍拖，拍拖12年，佢哋喺2008年結婚仲生埋囡囡符迦晴。

1994年 譚小環07年同從事保險業嘅男友蔡強榮結婚，近年離開大台轉行做老闆娘。 1995年 楊婉儀 楊婉儀03年同前練馬師王登平之子王瑞勳結婚，婚後育有一子一女。08年起淡出娛圈，o依開辦教育中心和幼稚園。

1996年 李珊珊拎咗港姐冠軍之後，李珊珊最為人熟悉就係同錢嘉樂拍拖，不過感情維持咗8年就分手，而至今李珊珊嘅感情生活係一個迷！

1997年 翁嘉穗 當選後，翁嘉穗99年同大佢20年嘅著名企業家鄔友正結婚，育有兩子，o依家做幸福少奶奶。

1998年 向海嵐成為港姐加入大台，拍過唔少劇做女主角，08年宣佈告別娛樂圈，轉戰上海擔任公關工作，去年宣布復出，仲表示o依家仲係單身。 1999年 郭羨妮 加入娛樂圈後郭羨妮曾經同多位男藝人傳緋聞，最後喺2011年同大陸動作導演朱少傑低調成婚，翌年仲生埋囡囡Kylie 。

傻

開設公眾帳號 李珊珊想用fb玩現場直播

2016-10-14 16:18:00 HKT

李珊珊今日喺微博貼新相，相比平時冇樣睇，呢張算見多啲面口！(李珊珊微博圖片)

珊珊01年影過寫真集。(資料圖片)

(資料圖片)

神隱多年嘅李珊珊，最近為拍賣后冠一事忙個不休，據知珊珊打算同葉青霖首席入室徒弟Martin合作，推出一本純影集宣傳，今日珊珊接受《蘋果》電話訪問時承認有接觸，問到會有乜突破？佢話﹕「係有呢個方向，多謝大家關心，但o依家主打專心搞拍賣，其他嘢完全信任Martin，交俾佢搞。」

今日凌晨，珊珊亦喺微博透露其他宣傳大計，留言﹕「請靜候佳音。在此事上只是籌備階段，而且原定在fb開設公眾帳號，以現場直播形式，親自介紹整個拍賣，及將舉行的宣傳活動，並詳盡說明當中理念及細節，總之一次過同步對外公布。現在只是靜候fb回覆，確認是本人帳戶。然而題外話······等了 FB 很久遲遲未收到回覆 ？！現階段就是等待確認便能正式啟動。」

wujoe1980

正野

A.Pen

整杯木瓜奶都有排飲呀

fan府

蛇蝎美人