|
心情動態：
來自非公營房屋 |
【神奇浴缸】田少公司新豪宅租盤 驚見超迷你浴缸
對都市人而言，辛勞工作一天，返到屋企可以浸浴，原本是一個享受，不過，連腳都伸唔直既浴缸，恐怕想浸浴，都係得個睇字。
田北俊家族持有的萬泰集團，旗下何文田亞皆老街102號The Argyle，為出租豪宅，今日開放6個示範單位，其中一個3房單位，浴室設計「頂瓜瓜」，淋浴區隔離設計一個「超迷你」浴缸，記者實地測試，走進浴缸，雙腳都伸唔直。如果注滿水想浸浴，水最多到腰部，水位一定難過肩。 現場度一度個浴室，長度約70cm（即2.3呎）乘寬約55cm（1.8呎），距離坊間標準浴缸1.5m（4.92呎），長度一半都未夠，連半截浴缸都不如，成年人夠放水泡腳。浴室外表鋪滿雲石，如此袖珍浴缸，相信只有小童才能享受到浸浴之樂。   何文田出租豪宅The Argyle，半截唔夠的神奇浴缸，「中高男」雙腳都伸唔直。  值得留意，神奇浴缸裡面，有一級高出，係用來比坐住浸的。  日本人身形較矮小，溫泉浴缸至少不用踡縮身體浸浴。  The Argyle 3房示範單位客廳不失豪宅氣派，惟浴室設計為之側目。 |
||
|
2004-10
|
|||
|
心情動態：
來自非公營房屋 |
【田少租盤】何文田「奀豬房」30呎唔夠 開門跳上床
田北俊家族持有的萬泰，旗下何文田亞皆老街102號The Argyle（Argyle即喺亞皆老街英文名）招租，今日就開放6個現樓單位畀傳媒參觀，3個有裝修同3個交樓標準單位。 其中19樓B室，實用面積645方呎三房一套單位，連裝修及傢具，最大果間套房空間都合理，但喺最細果間房奀到爆，淨喺擺到組褶合床，一拉張單人床出黎基本上填爆滿晒成間房所有空間，所以響房外邊一開門就跳上床。 個樓盤只租不售、除發展商亦無提供單位各部份呎吋，現場拉呎，間房長約6呎幾、闊4呎幾，計埋唔夠30方呎。樓上20樓交樓標準單位，用電子呎再度過間房，面積都喺差些少先到30方呎，難怪間房要用趟門喇。 記者 陳東陽  其中一間戶「奀」到只能放置褶合床。  交樓標準單位，房間面積幾大，一眼望哂。     三房645方呎單位平面圖 |
||
|
2004-10
|
|||
|
心情動態：
來自非公營房屋 |
【田少租盤】亞皆老街兩房戶 月租2.3萬元起
田北俊家族持有的萬泰，近期推出何文田單幢盤招租。 萬泰集團總經理周國材表示，集團何文田亞皆老街102號The Argyle全幢36伙將用作收租，總投資額約7億元，20樓或以下一梯兩伙，實用面積約440方呎及645方呎，21樓或以上一梯一伙，單位實用面積約980方呎。周國材笑指「當時我地構想果時（單位面積）好細，依家變咗好闊絡！」 萬泰委託仲量聯行作獨家代理，即日開始招租，最平單位月租約2.3萬元起，呎租約54元起，租約期由6個月到2年，租金包管理費，水電自付。周國材形容價錢貼市，至於頂層連天台特色單位月租料達10萬元。 
|
||
|
2004-10
|
|||
|
心情動態：
來自非公營房屋 |
【神奇浴缸】浴缸定係「龜缸」？ 面積4呎僅可養一隻龜BB
田北俊家族持有的萬泰集團，旗下何文田亞皆老街102號The Argyle放租，其中一個3房單位，淋浴區隔離「超迷你」浴缸長度約70cm（即2.3呎）乘寬約55cm（1.8呎），面積只得4.14呎，計一計，與一個龜缸面積其實差不多！ 據香港兩棲及爬蟲協會網站，一隻豹龜BB大約只有5厘米大，該協會建議，養豹龜BB的龜缸，「最低」限度要有4呎，與上述浴缸相同面積。 不過，豹龜長大後體積超巨大，至少身長40厘米，協會建議，龜仔長大後至少在8呎乘8呎地方飼養，所以，The Argyle的「田少超迷你」浴缸，養龜其實都不夠大！  據香港兩棲及爬蟲協會網站，呢個4呎浴缸只夠養5cm大的豹龜BB。（設計圖片）  或者大家可養鯉魚…（設計圖片）  為大家送上，迷你浴缸潛力圖！（唔係設計圖片）  豹龜BB只有5cm大，都要住「至少」4呎。  而成年後的豹龜…4呎迷你缸當然唔夠住啦！ |
||
|
2004-10
|
|||
