|
心情動態：
來自非公營房屋 |
離婚後父母角色
2016-09-21 11:45:00 HKT  Angelina Jolie申請同Brad Pitt離婚，回望年前Angelina一襲綉上六名仔女畫作的婚紗，真係只能一嘆往事只能回味。  離婚後，Miranda同Orlando曾經喺2013年被拍到抱住囝囝Flynn一齊撓手行街，真·和平分開咪就係呢種。  時不時都會見到柏芝同兩子合照，而姨姨謝婷婷亦錫到兩個細路燶。 影壇金童玉女Brad Bitt同Angelina Jolie申請離婚，回望年前Angelina一襲繡上六名仔女畫作的婚紗，真係只嘆往事只能回味。但姑勿論畢佬同安祖蓮娜祖莉離婚後生活如何，最直接受影響可算係養子Maddox、Pax、養女Zahara、女兒Shiloh及龍鳳胎Knox和Vivienne等六位細路。英屬哥倫比亞大學（University of British Columbia）兒童及家庭輔導助理教授Edward Kruk就評論過五種離婚後家長分類，認為頭兩類對兒童成長較有利，要夫妻情不再但親子情永在，原來都唔係冇可能： 完美拍檔（Perfect pals）做唔成夫婦唔代表唔能夠做一對完美爸媽，呢類父母以仔女利益為先，就算分開都可以一齊培育下一代成長。演藝界傑出例子就有Miranda Kerr同Orlando Bloom，雖然依家各自有另一半，但佢哋兩位亦閒時會親親兒子，就連Orlando早前被拍得同女友Katy Perry露鳥出遊，都預先同前妻單聲好讓佢知道點回應傳媒，夠默契！ 合作派（Cooperative colleagues）呢類家長離婚過程或者唔算順利，有機會需牽涉第三方去調解糾紛，但雙方都會尊重對方，及認同對方係自己仔女爸爸/媽媽角色，算係可以和平相處。較為人熟悉的例子係謝霆峰同張柏芝，二人雖然情不再，但久唔久都會見到Lucas同Quintus生日或大時大節時嘅家庭照。 分離派（Dissolved duos）夫妻是但一方會從原家庭生活中淡出，或另組新家庭，而媽媽會身兼父職或爸爸身兼父職，成為家中話事人。此舉無疑會令離婚嘅兩位成年人更容易放下舊情，但小朋友成長階段中，父母親一方會完全缺席，小朋友亦會因而受影響。 憤怒派（Angry associates）憤怒派家長就算離婚後，仍然會將憤怒同不忿情緒延續，唔單只唔尊重前夫/前妻，更有可能會極力剝奪對方同子女相處嘅時間。 暴烈派（Fiery foes）比憤怒派更嚴重，暴烈派家長直情會喺子女面前力數前度不是，務求令對方喺子女心目中形象徹底崩壞，令恨意傳俾下一代。呢類家庭中成長的小朋友，就算接受情緒輔導亦難以安撫不安感，因為其情感會倚賴喺家中唯一有權者身上，容易產生情緒問題。 資料來源：Psychology Today網站 記者：黃樂雯 |
||
|
|
|||
回應 
|
心情動態：
來自水泉澳邨 |
回應 kiss 
|
||
|
|
|||
回應 
