|
心情動態：
來自非公營房屋 |
畢彼特（Brad Pitt）同安琪蓮娜祖莉（Angelina Jolie）驚爆離婚
2016-09-20 23:40:00 HKT   今年7月係畢安最後一次全家現身   畢彼特（Brad Pitt）同安琪蓮娜祖莉（Angelina Jolie）驚爆離婚，原因就係家庭健康問題。 畢佬同安琪蓮娜一向都非常着重家庭生活，而佢哋最後一次全家現身，就係今年7月當時佢哋為一對龍鳳胎Knox及Vivienne慶祝8歲生日，雖然佢哋貴為荷里活巨星，不過就冇為仔女搞大型嘅生日會，亦都冇名貴禮物，反而帶咗仔女去洛杉磯嘅平價餐廳The Griddle Cafe食飯。兩位小朋友叫咗pancake食，Knox就叫Oreo餡嘅pancake，睇嚟佢好愛食甜嘢。 食完飯畢安仲帶一對仔女去咗超級市場，Knox同Vivienne拎住一大袋戰利品離開，睇落好滿足咁。不過睇嚟此情此境已經唔會再出現喇！ |
||
|
|
|||
|
心情動態：
來自非公營房屋 |
割乳房卵巢防癌 安琪蓮娜傳跌至79磅
2016-09-20 23:48:00 HKT  二人一直係圈中金童玉女。   早前俾畢佬拖住嘅安琪蓮娜，瘦咗成個碼！  同老公畢彼特同樣係荷里活頂級巨星嘅安琪蓮娜(Angelina Jolie)，2013年身體驗出帶有突變基因，決定切除乳房，以減輕患癌風險。 舊年佢以日記形式，喺《紐約時報》剖白心聲，宣布已接受卵巢及輸卵管切除手術，希望防患未然。 安琪蓮娜本身有遺傳家族缺陷基因，患乳癌同卵巢癌嘅風險比常人高。佢剖白心聲時，話自己驗血後發現有患卵巢癌嘅初期徵兆，為咗見證子女同將來孫兒成長，決定接受手術。佢表示：「我會保持鎮定，堅強面對，亦希望其他女性都要正視自己的身體。」 做完切除乳房、卵巢同輸卵管手術後，舊年喺洛杉磯，被影到明顯瘦咗成個碼，當時有指老公畢彼特專誠從法國返美照顧愛妻。 不過，一直對安琪蓮娜不離不棄嘅畢彼特，盛傳近日背妻偷食，對象係最近同佢喺拍攝電影《Allied》、與安琪蓮娜同樣係40歲嘅法國影后瑪莉安歌迪娜。有傳畢佬同瑪莉安喺片場關係曖昧，雙方互起暱稱，知情人直指二人「明顯有啲嘢」，而安琪蓮娜近日就為婚變愁爆，有傳體重下降至79磅。 |
||
|
|
|||
|
心情動態：
來自非公營房屋 |
安琪蓮娜婚前切乳房組織 感激畢彼特全程照顧
2016-09-20 23:55:00 HKT  美國女星安琪蓮娜祖莉(Angelina Jolie)宣佈與結婚兩年畢彼特(Brad Pitt)離婚，消息震動全球。兩人自2004年拍拖，2014年8月低調結婚，期間經歷了不少風浪，可惜仍難逃離婚命運。 2013年，安琪蓮娜祖莉因有「錯誤的基因」BRCA1、有87%機會罹患乳癌外，亦因為知道自己母親只有56歲就因癌症離世，為了家庭著想，故決定切接受除乳房組織手術。安琪蓮娜曾撰文稱，接受了手術後，罹患乳癌的機會由87%降至低於5%，又話現在不用擔心癌症會令他們失去母親，對六位子女來說，他們真的有一位好媽媽。 安琪蓮娜更於文中，特別感謝與她一起多年的畢彼特，稱他非常愛護和支持自己：「他在我療程期間，每一分每一秒都留守在治療中心，陪我說話、陪我笑，令我知道這個決定是對的，更令我們之間更親蜜。」手術後一年兩人便結婚，正式成為夫婦，可惜最終仍難同偕白首。而安琪蓮娜祖莉的律師Robert Offer則表示，她決定離婚的原因是家庭健康問題。律師指她不會作出任何評論，希望外界現時給予家人私隱。 |
||
|
|
|||
|
心情動態：
來自非公營房屋 |
受父親拋妻棄子影響 安琪蓮娜最怕子女擔心自己
2016-09-21 00:27:00 HKT    安琪蓮娜祖莉（Angelina Jolie）去年接受《華爾街日報》訪問時，曾談過育兒之道。6子女在家上堂，日頭由三名老師教導，老師不會在家過夜。 由於安琪蓮娜的父親莊威（Jon Voight)於她很小的時後離開她的母親Marcheline Bertrand，因此安琪蓮娜小時候便常常擔心媽媽，少女時候更曾患上抑鬱症。故此安琪蓮娜最害怕的是要子女擔心。她說：「我怕子女為我擔心，所以即使我有事，都同佢哋我我冇事。我會同佢哋講笑，叫佢哋唔好擔心要照顧我。」畢彼特（Brad Pitt）受訪曾說安琪蓮娜一放假就一定會帶6子女出街玩，即使幾累都一定會咁做。 |
||
|
|
|||
|
心情動態：
來自非公營房屋 |
「我們之間都有問題」安琪蓮娜早承認婚姻存暗湧
2016-09-21 00:37:00 HKT  《緣海假期》  《緣海假期》  《緣海假期》  安琪蓮娜祖莉（Angelina Jolie）與畢彼特婚後拍了一部《緣海假期》（By the Sea），由安琪蓮娜自編自導自演，故事內容講兩夫婦感情生變。去年十月，畢安齊齊接受《Vogue》訪問時，被問及電影是否影射佢同老公，安琪蓮娜稱：「電影不是講我們，雖然我們之間都有問題，但若然電影是講我們的事，我們一開始就不會拍。」一句「我們之間都有問題」，可圈可點。 該期《Vogue》，畢安全家包括畢彼特都有為雜誌影靚相，一家人於沙灘跑步以及坐型格電單車擺chok甫，場面溫馨。當時40歲嘅安琪蓮娜大方談及切除乳房及卵巢防癌經歷，又指手術促使荷爾蒙生變令更年期早到，但手術後令其感到更踏實：「作為一個女人感覺更踏實，家中兩位女性，包括我媽媽及婆婆，40歲時已面對死亡。我現在40歲，我知道我一定可以活到50歲，急不及待等它來臨。」 |
||
|
|
|||
|
心情動態：
來自非公營房屋 |
畢佬前妻珍妮花婚姻生活美滿 上月慶祝結婚1周年
2016-09-21 00:49:00 HKT  荷李活影星安琪蓮娜祖莉（Angelina Jolie）向法庭申請與丈夫畢彼特（Brad Pitt）離婚。當年安琪蓮娜被指是第三者，破壞畢佬與珍妮花雅麗絲頓（ Jennifer Aniston）的幸福。至今珍妮花已同男星Justin Theroux結婚一年，過住幸福婚姻生活。 珍妮花與Justin去年8月低調結婚，兩人於上月5日慶祝結婚1周年。本來在澳洲開工的Justin特別飛到洛杉磯陪老婆，兩人靜靜在家過，同朋友一齊在家慶祝。 珍妮花受訪曾說同Justin像結了婚很久，婚姻生活好正常亦很有趣，讚老公很風趣幽默，時常令對方笑。而Justin受訪時表示很愛稱讚老婆，但珍妮花最忍受不了他沈迷打機。 |
||
|
|
|||
|
心情動態：
來自非公營房屋 |
安琪蓮娜搵畢彼特拍自編自導新片 預言婚變
2016-09-21 00:52:00 HKT  《緣海假期》（By the Sea）由安琪蓮娜自編自導自演，結果預言婚變。  《緣海假期》（By the Sea）係畢安繼05年合體演《史密夫決戰史密妻》後再合演嘅電影。   兩人戲中有床戲。  可惜套戲預言二人嘅「分訊」。 《緣海假期》（By the Sea）係畢安繼05年合體演《史密夫決戰史密妻》（Mr. & Mrs. Smith）後，再次合拍電影，又係飾演一對夫婦，雖然呢套戲係佢哋新婚一個月左右就拍，但就係飾演一對結婚多年、可惜已經冇晒感情嘅夫婦，兩人希望去法國度假，可挽救感情。本片由安琪蓮娜自編自導自演。 去年宣傳《緣海假期》之時，安琪蓮娜曾接受《蘋果》獨家訪問，佢話嗰陣拍呢套戲考驗咗佢哋可唔可以喺壓力之下一齊做嘢，面對更複雜嘅情況，明白到大家可唔可以一齊面對未來嘅日子。 之後安琪蓮娜又談到改姓氏為祖莉彼特（Jolie-Pitt）嘅感覺，佢話仔女一早係姓祖莉彼特:「當阿畢正式收養所有子女，以及我哋生咗孩子後，覺得呢一生我會同呢個男人有關係，呢樣嘢係我最大嘅感覺同承諾了。」 安琪蓮娜於訪問中又稱，與畢彼特會有爭執，不過都只係為咗啲小事，不過佢哋之後決定唔再嗌交，只集中喺重要嘅事，因為兩人既已決定一起到老，就不應再為小事而去嘈。 對於畢彼特係大眾夢中情人或者理想老公，安琪蓮娜當時表示一啲都冇妒忌，仲話只係戥佢高興，亦好愛同好信任對方，估唔到一年之後，卻爆出兩人「分」訊 |
||
|
|
|||
|
心情動態：
來自非公營房屋 |
安琪蓮娜祖莉同志女友前年結婚
2016-09-21 00:59:00 HKT   安琪蓮娜祖莉曾與擁有日本血統嘅美籍模特兒Jenny Shimizu發展同性戀關係  安琪蓮娜祖莉（Angelina Jolie）結過三次婚，安琪蓮娜祖莉先後嫁英國男星Jonathan Lee Miller、比利卜科頓(Billy Bob Thornton)同埋畢彼特（Brad Pitt），全部婚姻都唔超過三年。 其實早於安琪蓮娜大紅大紫之前，佢曾與擁有日本血統嘅美籍模特兒Jenny Shimizu發展同性戀關係。安琪蓮娜同Jenny Shimizu合演96年電影《FOXFIRE》有sheshe全祼床戲，安琪蓮娜曾接受英國傳媒《News Of The World》訪問承認與Jenny Shimizu有過一段情。當安琪蓮娜14年正式同撻着多年嘅畢彼特結婚，同志舊愛Jenny Shimizu亦於同年娶Michelle Harper為妻，沒料到安琪蓮娜跟畢彼特嘅婚姻只維持短短兩年 |
||
|
|
|||
|
心情動態：
來自非公營房屋 |
外界憂畢安離婚 搶聯合國討論難民問題焦點
2016-09-21 01:08:00 HKT   安琪蓮娜係聯合國難民特使，CNN引述消息指擔心外界會將焦點放於畢安離婚，多於難民問題本身。    荷李活影星安琪蓮娜祖莉（Angelina Jolie）向法庭申請與丈夫畢彼特（Brad Pitt）離婚消息令外界關注，恰巧新一屆聯合國大會已在紐約召開，今屆難民問題係大會討論焦點，加上安琪蓮娜係聯合國難民特使，她或有機會現身參與討論。CNN引述消息指擔心外界會將焦點放於畢安離婚，多於難民問題本身。 安琪蓮娜月初去了約旦探望敘利亞難民，談及小童經歷戰爭時表現感觸。 |
||
|
|
|||
|
心情動態：
來自非公營房屋 |
安琪蓮娜申請離婚 畢彼特首開腔：我對此相當傷心
2016-09-21 01:28:00 HKT  畢彼特接受《People》訪問，首開腔回應離婚:「我對此相當傷心，但現在最重要的是子女安好。」 荷李活影星安琪蓮娜祖莉（Angelina Jolie）向法庭申請與丈夫畢彼特（Brad Pitt）消息傳出後，畢佬向《People》雜誌作出回應：「我對此相當傷心，但現在最重要的是子女安好。我誠懇希望傳媒在這艱難時刻給他們應有的空間。」 知情人士補充說畢安都很緊張他們的子女，雙方都感到很傷心。如果她身邊的人在此困難的境況再加以負能量的話，就真的很不幸。 至於安琪蓮娜多年的經理人Geyer Kosinski回應《E!Online》說：「安琪蓮娜永遠以照顧家庭的利益角度為先，她感謝大家明白他們現時需要私隱。」 |
||
|
|
|||
