講粗口嘅女仔係咪正啲?

傻

講粗口嘅女仔係咪正啲?

2016-09-13 07:20:00 HKT


啱啱出爐的香港小姐馮盈盈被發現facebook好多po都係鬧政府，當中仲夾雜粗口，大家讚佢夠爽直，到底女仔講粗口係咪吸引啲呢？

DJ森美：「唔覺得女仔講粗口吸引啲，但如果伸張正義又唔同，講咩都啱聽。」森美facebook圖片

DJ當奴：從來唔覺得講粗口嘅女仔正囉！零分。加食煙的話，拜拜。」當奴facebook圖片

攝影師Sunny Lau：「真正香港人！講嗰時還帶點害羞的話感覺有啲似初戀！但如果講粗口有『鄉』音我就接受唔到囉！」

傅穎話試過喺廁所試下對住自己講粗口，點知嚇到自己打冷震呀！

有網民用粗口留言去黃翠如面書，搞到佢要即刻刪Po，後來解釋是「好驚粗口」，不過有網民就翻出以前她曾經喺節目中講過：「人生有些時候，難免很想說髒話」。

電影編劇兼愛情專欄作家陳詠燊經常談論兩性問題，他指講粗口的女生會令某些男生覺她們性格好爽，不用花時間去猜度太多，所以較為吸引。

傻

有女仔講粗口會嚇到自己打冷震，有女仔以前會好想講粗口、而家會好驚粗口，不過亦有女仔會出粗口po鬧盡社會不平事，講緊的就係啱啱出爐的香港小姐馮盈盈（Crystal）啦！

香港小姐選完第二日，網友即刻睇返Crystal facebook嚟起底，發現佢好多po都係鬧政府，當中夾雜粗口鬼咁火爆，令到一班熱血仔女大讚Crystal夠真夠正義！馮盈盈回應話當年粗口寫出來只是私人的感受發洩，希望以後我帶多些正能量給大家。係囉係囉，講粗口唔使道歉的，而且一早就有網民大大力推，話外表斯文但會講粗口的女仔特別吸引。

我們訪問了經常在談論兩性問題的電影編劇兼愛情專欄作家陳詠燊（Sunny），佢就話講粗口的女仔會令人覺得是佢哋係一啲爽朗、直接或不介意、不需要修飾自己情感的一類型，因為男生普遍比女生溝通能力較低，所以有啲男生會覺得呢類女生好爽，不用花時間去猜度太多。不過Sunny都提醒，講粗口一定要有底線，首先唔好流利過你的另一半，之後就係唔好攞嚟鬧另一半，用來鬧政事或社會嘢發洩下無所謂，但用來鬧對方就男女都一樣會扣分啦！

記者: 容慧心
攝影: 鄧鴻欣

ccschris

講粗口，正常，人之常情

fan府

回應 #3 ccschris

講两句聽下……正常人

ping700

jp_dannywong

Ph

非常認同當奴嘅睇法

c7

最中意講個7字

ha-ppyday

粗口好過爛口!

shing1000

TVB今年選港女，不是選港姐，沒有最七，只有更七，亦不及"馮七七"