請問大家現時對彩德邨的上落有咩更好的提議？

vickyway

請問大家現時對彩德邨的上落有咩更好的提議？

以現在上落彩德邨就是從彩盈邨經過隧道上去，又或者經另一邊圣若瑟中英文中學的彩石里行上去。
講起呢兩條可以達到彩德邨的路，從我個人來講，雖然我好年輕，但系都覺得好喘氣。
如果你是一位年事已老，一把年紀的人士，你是否會覺得上上落落還是好平常呢？


現在，本人希望可以同大家商量及討論一下，有無更好的提議，增加一些建築設置或者其他渠道，可以
讓彩德邨的居民上落都可以更加方便呢？最緊要系能夠照顧到傷殘人士及年事已老的居民。

我個人建議如下：建議系彩信樓的正對面，即系觀塘道果度有個巴士站的，於巴士站附近加設一個類似彩樂樓的電梯，方便殘疾人士同傷殘人士上落，呢個系最好的解決方法，或者叫房屋署開設一條巴士線，專門服務彩德邨同彩福邨的居民上落，一切費用全免。加上，呢兩個邨的月租相對來說都是不便宜，所以加設一條免費的巴士線，唔算過分。希望議員可以考慮下呢個方案，或者考慮其實更加可行性解決方案。

如果各位有更加的方法，請你講出來，讓議員可以更加清晰，更加明亮地去解決呢個問題，因為現時呢個問題系確確實實存在，有問題存在就一定要解決。本人的建議謹屬參考，如另其他人士產生不滿，請原諒。

wasabi

回應 1# vickyway


    支持你嘅提議

顏汶羽

彩信樓旁加升降機一事，我已向運輸署及房署提了，他們正研究

choifook

支持

dvzz

學校旁邊那條 上彩信樓 只有車道.沒有人行道!!!

kapo

免費的巴士線=__=
好多公屋都向半山上..未見過有免費巴士線..
公屋貴租你可以參考海麗村

Bell

那部升降机可以去到彩德吗?

zzzzzz

免費的巴士線=__=
好多公屋都向半山上..未見過有免費巴士線..
公屋貴租你可以參考海麗村...
kapo 發表於 2010-7-12 13:03

海麗村貴租既原因係它原本係居屋,
三房兩廳+主人套房+全屋裝修+開揚海景+近地鐵站......
如果彩德有咁既質素同配套,
我又唔介意比貴租wor!

zzzzzz

回應 6# kapo


穿梭巴士我認為向各大商場 (eg 德福, MegaBox) 爭取比較實際!

yankee

老實講.要求房署設一條免費巴士線好似有點兒那個.呢個世界邊有免費午餐嫁.如果真係彩德設有免費巴士.咁其他屋邨都話要.咁房署比得邊條邨呀.仲有真係有免費車搭.咁嗰D專線小巴實投訴.人地要養車養司機.個小巴牌成幾百粒嫁.條條邨都話要有免費車.咁嗰D營業車邊有生存空間呀.你話叫房署起電梯或者其他一次性可行方式還可以.設免費車一定冇可能.因為免費車係長期性支出.房署點會承擔.好似9樓咁講.叫各大商場設免費車就可行.因為咁樣會為本身商場帶來人流.但係好似馬鞍山新港城廣場都要你購物滿指定金額先至派COUPON比消費者座免費車.