係forward 呀，唔係我呀！
利申，一自住兩收租，下月轉按1.4
另外我係佬黎架！
FW:
我叫Ada，今年30歲，有個大我一年嘅男朋友
我地係大學時識，一齊grad後各有各工作，一直都相安無事，當年嘅我真係以為肯同男友一齊捱就無問題，我真係咁覺得！
但依家樓愈黎愈貴，壓力測試完都要攞成四五成做首期，講緊都成百萬，仲有裝修呢？結婚呢？仲要儲多十萬左右留底。我好少少屋企有層樓自住，佢因為屋企問題又唔會上到公屋
幾經辛苦終於儲到一筆，但原來只係惡夢嘅開始
「我想問大少少，同埋我媽一齊住，如果依家唔得就到有小朋友再搬大少少」佢話
我知佢屋企得返佢媽咪同佢家姐，屋仲要係租嘅無個好穩定嘅瓦遮頭，但我無諗過佢想咁安排。同佢講出面租個細單位比佢呀媽？我地有層樓要供，根本租唔起；點解佢家姐唔幫手？咁刻薄我又問唔出
「真係要咁做」
「我媽佢得自己一個又無屋住」
我笑而不語，苦笑果隻。
或者我算好彩，未來奶奶唔討厭我，但其實都唔係特別鍾意我，暫時睇落都唔似會搞小動作嘅人，或者婆媳問題無咁大？但我知點都會有：相處好，同住難呀。
自己辛辛落落儲左差唔多成一百萬、同另一半一齊供樓，但未來嘅每一日，我返到去做嘅唔係放鬆自己、毫無顧忌咁做自己，而係要討好另一個人，就算唔使令佢鍾意我，都唔可以做啲野令到佢對我扣分
你係佢個仔，就算點都唔會討厭你，但我對佢黎講只係所謂嘅「一家人」，我無果種會令佢無辦法討厭我嘅血緣關係。好似做家務咁，或者佢會介意、又或者唔會，就算佢唔介意，你好唔好意思要另一半嘅呀媽成六十歲係度執頭執尾？果個係你媽咪，你或者唔會覺得唔好意思，但我會覺得唔好意思。於是你繼續做你嘅大少，因為你習慣有個女人幫你做野，果個女人都習慣你唔洗做野
「成日都唔做家務好似唔係咁好喎」
「返左成日工邊人精神做，畢嬲飯果啲都係我媽做架啦，佢明架啦，之前我畢左業返工佢都唔洗我洗碗」
係那個空間，我注定無辦法做自己。
呢個唔係我想要嘅家，呢種唔係我想要嘅幸福。
或者我一開始就應該做個港女，無車無樓睇唔上，起碼屋企有層樓自住唔使擔心佢父母，咁樣我就可以有自己想要嘅幸福......
古话说的好，门当户对。
人各有志！
