話說今日去左官觀自x傢x睇傢俬，由於未收樓，咁我都只係睇款式同尺寸，遇啱心水會影低佢做記錄，但今日就遇到個好無禮貌嘅店員
咁我上到去睇到有個鞋櫃OK,咁我照舊影低佢，於是個白色衫肥佬走埋嚟
肥：先生，呢到唔比影相個喎(手指住牆邊某通告)
由於我一入店就掛住睇傢俬，邊會理佢牆身有d咩係到，但始終人地有咁嘅規矩,於是我都客氣咁回一句
我：唔好意思，我無留意到
肥：其實間間都唔比影相架啦(我聽到呢句已經打左個突，我睇左咁多間傢俬店無一間唔比影相，有d仲好主動咁叫我有需要就影低佢，但無謂為呢d野嘈，算～忍你)
跟住就收起電話繼續睇，一路睇就一路係腦海對比擺位尺寸，於是者過左約兩分鐘，肥佬又行埋嚟
肥：其實你想要d咩(語氣上已經開始無禮貌)
我：啊，我未收樓架，淨係得圖則，只係嚟睇睇d款式同尺寸
肥：咁你收樓先再嚟啦，我包你落到樓已經唔記得晒，你地下鋪左磚都唔同啦
去到呢到我已經火起，心諗，咩叫收樓先再嚟，我駛唔駛等你大哥心情好先嚟呀
我唔駛預傢俬要幾錢
我唔駛預傢俬尺寸同裝修師傅傾
係我火起但仲未發出嚟之前回左佢一句
我：但係d牆嘅尺寸唔會變架喎
肥佬已經唔再理我行開去，過無幾耐有對夫婦連bb入左嚟睇床，又係肥佬招呼，咁啱我又行到去呢個位，呢個時候肥佬對住夫婦幾禮貌，我心裡面又小佢喇叭，你家陣恰九我個樣後生當我無錢定見我今日唔會有幫襯，態度咁唔一樣嘅
但床我都有需要，於是都聽埋一份，等到對夫婦走開先問肥佬
我：呢張床有無三尺半架？(4尺油壓床嚟)
肥：無喎
然後就走左去對夫婦身邊繼續招呼，我行埋去追問
我：咁油壓床係咪最小四尺，因為間房細唔夠位
肥：咁有需要先要油壓，細要嚟有咩用
(我內心又小佢喇叭，我比老人家用架，仆x)
講完細有咩用之後肥佬繼續招呼夫婦，咁我見佢講緊張床都ok，櫃夠大夠深，於是等佢介紹完之後又問佢
我：咁呢張床有無3尺半架
肥：無喎，我地無3尺半床架喎
到呢個毛文我已經唔想理九佢，由佢招呼對夫婦，我係側邊做旁聽算九數，跟住去睇其他野，有問題問左個有鄉音嘅阿叔，但無我需要嘅野(即係無幫襯)，但都ok好禮貌，然後睇多陣都走喇，呢間野都算平同唔錯，但一開始就遇著個咁無禮貌嘅肥佬，搞到我咩心情都無晒，而且無興趣做回頭客囉，係佢地自己趕客，唔怪得我
P'S:有興趣去嘅朋友就搵鄉音阿叔招呼，唔好搵肥佬本帖最後由 happypizzahk35 於 2016-07-31 23:53:41 編輯
