新居屋就嚟開始揀樓,有關新聞亦相應多返,其中一個重點就係折扣率問題
由於新居屋業主有些人係第一次買樓,所以我呢個上一期買左嘅人又好多事咁出嚟扮代表喇
PS:內容均只是本人所經歷或網上資料搜集,純為不知情者講解一下,並不保證100%正確,只供參考,有錯請指正
首先什麼是折扣率
居屋是(所謂的)政府為了(表面上)幫助市民而推出的資助房屋,所以會以折扣價出售比市民
而上期(2014) 及 今期(2016)都是以 7折出售,但注意:折扣率(不是)固定的
舉個例子
假設政府推出時樓價值100萬,那7折出售即70萬到你手,而呢個價是不變的
如果到你揀樓日樓價市值還是100萬,你用70萬買樓,將來補地價一樣是30%
如果到你揀樓日樓價升了到120萬,你都係用70萬買樓,將來補地價就是(70/120),即大約是59折比你,而你將來就要補41%地價比政府
如果到你揀樓日樓價跌了到90萬,你都係用70萬買樓,將來補地價就是(70/90),即大約是78折比你,而你將來就要補22%地價比政府
所以如果政府推出的定價你可以接受的話,咁到你簽約日樓市跌是對你將來有好處的
PS:
1.資助房屋嘅目的係為左市民有屋住,而非炒賣,所以無論折扣率係幾多對自住者嚟講是無影響的
2.房署會以簽約個日嘅折扣率為(最終折扣率),而將來無論你間屋升定趺都以(最終折扣率)嚟計算你要補幾多
3.實際要補幾多:由你想補果一日嘅市價x最終折扣率,假設你最終折扣率是25%,賣樓日樓價市值200萬,即(200萬x25%),即係話要補50萬
什麼是補地價
居屋是政府為了幫助市民而推出的資助房屋,所以會以折扣價出售比市民,但呢個折扣價同樣地代表呢間居屋嘅業權並非100%屬於購買該單位的市民的
而無論業主(市民)擁有該單位幾多%業權,只要唔係擁有100%,咁呢個單位就是屬於有限制性的資助房屋,必須要補左地價間屋先會完全屬於你
如果唔補地價
好處:
1.首期只需要5~10%
2.銀行按揭審批比較寬鬆(未經證實)
3.按揭額比較小(只需做折扣後的樓價)
壞處:
1.外觀好難睇,根本就係公屋格(個人應為)
2.居住人數有限制,只可以居住申請時的指定成員,如加人就要入紙申請,但只可申請直屬,如父母/子女,(兄弟姐妹之類已經唔可以)
3.屋內間隔改動必須要申請,佢有權唔批
4.唔可以養狗(單身狗除外)
5.如放售只能在第2市場,要補左地價你先可以係自由市場賣樓
6.不能放租
7.不能不住,單位不能長時間無人居住,如扔空必須要申請及有合理解釋
記得嘅係咁多,歡迎大家討論指正
ps:限制條件是指正常依照條例下所講去做,偷步/做,隱瞞之類大有人在,但我不討論這些
