|
心情動態：
來自安達邨 |
八年半公屋上樓心路歷程
唔經唔覺申請公屋已八年半，個中嘅漫長等待心情相信有好多街坊有共鳴。當初夠了三年後就開始上網查進度，睇下開始調查未？哈哈，當然就越睇就越失望啦，只怪自己太天真，相信政府那三年上樓的數字遊戲
 。中途擴展市區可以轉市區，見市區多新樓盤落成，就轉返排市區，期間不斷有身邊同事問：上咗樓未呀？我已經上樓了喎，四年都未夠呀！那滋味真系難已形容，如是者見身邊同事有好消息，而自己方面就水靜河飛，冇動靜。當時有同事教路，叫揾社工，議員幫忙，會對上樓有幫助，或者自己上房署吵，吵多幾次就有效喎，但偏偏自己做唔到  。直到15年8月見主任，終於覺得有曙光出現了，等到年尾收到配房信，派黃大仙，第一時間上網查，睇下環境如何？當時已經覺得好失落了，後來上到去睇樓，因為樓下就系龍翔道，好吵，同埋單位好細，應該系3～4單位，所以拒絕了。因為該單位不計入第一次嘅，邨嘅職員就問我心目中想要邊度，可以寫低，到時交返房署，真心講，職員真的好好人！ 拒絕黃大仙後，到3月又收信，配德田邨，家人話可以租可以買嘅。又系未到睇樓日就先去現場行一轉，睇外圍，上樓睇，當然只系睇到大門啦 ，到真正睇樓，系自己拎鎖匙上樓睇，冇職員跟。開門一刻，心情有點激動，隨後就失落啦。又系3～4人單位，之前職員話建築面積系32.7平方米左右，因為唔記得帶尺，諗住問管理處借用，點知系冇嘅。惟有以腳做尺了，左行右行，諗唔掂點間房。返落去辦事處，問職員有冇單位內尺寸，職員答复系冇尺寸的，真系覺得好奇怪，這個尺寸系咪真的咁難提供？當時職員問啱唔啱？啱就可即時簽約，辦手續，我話考慮下先，職員話可以一個星期內電話確認，到後來都系放棄了，計第一次拒絕！ 如是者又到5月中收信，呵呵，原來系派了安達，信中有安達嘅情況說明。雖然知道大概情況，但都會又系指定動作，上網查更多資料，再後仲踩埋上去睇，其實那天都有好多街坊踩上去。冇得睇實房，硬系覺得囉囉戀的，唔知其他街坊有冇咁嘅心情呢？到16號到臨時辦事處聽簡介，以為有樣板房睇嘅，原來系冇嘅。跟住就簽了預留，希望好快可以收樓啦！  但再近幾日的清息可謂滿城風雨，一期又話會延期派匙，心情難免又失落了，因為話三期會年底才收樓，好無語。到昨日情況又峰迴路轉，一期會今個月入夥，哈哈，咁搞法，真系會失常囉！ 無論如何，真的感謝為安達街坊爭取嘅人士，特別系許生，感謝佢嘅付出，謝謝！  最後祝福各位街坊，安居樂業，身體健康！
|
||
|
巿4 G1206
07年底收藍卡 唔記得幾時轉市4 15年08見主任 16年5月預派安達
|
|||
|
心情動態：
來自非公營房屋 |
|
||
|
G1313XXX (市3)
2012年 9月藍咭 申請階段： 你的公屋申請尚未到達調查階段，請耐心等候 !!
|
|||
|
心情動態：
來自安達邨 |
感同身受, 祝安居樂業
|
||
|
擴3-1276
16/5/16網上申請轉市3 26/5/16已轉市3 21/7/16轉S3 25/7/16轉S4 3/8派安達中層
|
|||
