|
（帳戶名稱被屏蔽）
|
Kevin Boy露股打藤夾乳頭 ViuTV變態酷刑挑戰尺度
2016-04-18 01:32:00 HKT 玩破格的ViuTV主打真人騷， 原來連深宵節目《晚吹─真PK》一樣有睇頭。《真PK》由網上節目《情義兩難全之玩爆你個腎》的爆腎主腦李健宏（Kevin Boy），以及電影《老笠》導演李家榮（火火）擔任主持，節目玩法是若主持未能成功令嘉賓答中暗題，該主持便要接受懲罰。首集嘉賓林雪除粗口橫飛外，Kevin Boy更因為輸掉而被罰舔大隻佬胳肋底及含住林雪臭襪，核突搞笑程度爆燈。 前晚第二集由郭偉亮（Eric Kwok）擔任嘉賓，玩得更大膽出位，Kevin Boy再輸而被大隻佬脫下褲子用籐條打屁股，初時Kevin Boy只露出股隙，惟Eric Kwok查看其傷勢時，Kevin Boy索性除褲露出整個屁股，完全挑戰電視尺度！最後兩位主持接受大懲罰，被大隻佬用木夾夾住乳頭，然後退後互扯，內容可謂三級變態！ ViuTV昨被問可會違反免費電視守則？發言人王小姐說：「因為節目喺晚上11點45分時段出街，我哋亦PG（家長指引）咗，所以可以出街。另外我哋重點在於懲罰，同增加趣味，完全冇賣弄污穢嘅成份。」 對於除褲露股，Kevin Boy昨在電話中說：「呢個節目係香港電視一啲大膽嘅新嘗試，我玩都要玩得認真啲。」難道不覺過火？他說：「嗰一刻冇諗，我做完個懲罰真係痛，Eric Kwok質疑我，我好自然地講『X！我嗰吓真係俾人打X咗㗎，畀你睇喇！』」可擔心節目遭禁播？他說：「唔到我話驚唔驚，每次返去錄影我係盡情投入，希望唔好咁快禁播。」有人質疑節目教壞人，Kevin Boy反駁說：「未必人人接受到，但起碼有個選擇畀人，覺得教壞人可以唔睇，呢個係一個選擇，唔係迫你睇，如覺得唔舒服，可以選擇轉台，每個人口味都唔同。」 Eric Kwok昨日亦大讚節目有膽識、夠癲及有創意，他說：「可以畀香港人輕鬆吓，我覺得唔錯。今時今日嘅細路冇咁容易俾人教壞嘅，相比喺網上可以睇到嘅嘢，呢個節目算好檢點。節目嘅尺度更加可以顯出香港言論自由，有咁嘅自由，唔好嘥。」  乳頭拔河(電視截圖)  藤條打屁股(電視截圖)  墨汁撈納豆(電視截圖)  飲老鼠酒連老鼠(電視截圖)  大隻佬狂吻(電視截圖)  腋下起重機(電視截圖)  鹹苦胳肋底(電視截圖)  廁所泵奶奶(電視截圖)  請襪入口(電視截圖) |
||
|
|
|||
|
（帳戶名稱被屏蔽）
|
在香港電視螢幕上露股，Kevin Boy並非第一人。2004年無綫播出劇集《大唐雙龍傳》，林峯和吳卓羲在河邊沖涼的一秒露股，廣管局已收到三個投訴，指合家歡時段有教壞小朋友之嫌，吳卓羲之後解釋當時有穿肉色T-Back。另外，2013年吳家麗獲邀上節目《最佳女主角》做嘉賓，重溫她與周潤發合作電影《龍虎風雲》片段，發哥露股戲竟冇打格，挑戰電視尺度！ 
|
||
|
|
|||
