我想翻工

ben-00

我想翻工

大家有冇工作介紹阿？
m記...肯德基....就算啦
一來學唔到野，二來人工太低

VickYeung

回應 1# ben-00

其實咩工都學到野 , 不過M記人工就真係低D ~

你咩年紀咩學歷呀？

貓貓樣

三更半夜好想瞓，但睇倒呢個貼就身痕。。。。。
首先個標題係"我想翻工"？？！！如果樓主想做文職的話，請先習慣睇清楚自己所做的有沒有問題才發送出去，這點好緊要。。。。。再者，唔先"搵"工，又如何有工"返"？？！！
對人工有要求，無問題，請先了解自己能力，能力大致分"學歷"，"工作經驗"，樓主有何種程度的學歷可以告知大家嗎？有沒有工作經驗？在甚麼機構工作過？有多少年工作經驗？有沒有前僱主的推荐信？
樓主其實想搵咩工自己心中有無目標？人工要求幾多？上班時間有無要求？0900-1800？返五日工？要OT得唔得？假期要返工得唔得？輪班得唔得？壓力大得唔得？通宵工得唔得？要出街得唔得？不能盡錄。。。。。如果你想他人介紹，都要有指引，否則如何介紹工作給你？呀！！仲有，想請人幫忙時應該講咩呀？！。。。。。
理想與現實唔成正比既事情是唔會發生，我都想做大公司既CEO，不過我盲字都唔識多個，呢啲唔叫有理想，只叫有妄想。。。。。麥記肯德基周不時有外藉人仕光顧，斷估唔會個個都識用廣府話落柯打啩。。。。。一份人工低唔夠喉？做多份兼職幫補吓得唔得？馬死落地行，小弟都曾經試過0900-1800 & 2300-0700既返工生活，雖則唔是維持好長時間，但自己努力過亦知自己極限所在，我是食飽飯無屎柯麼？！唔是，是鬼叫自己渣，無計。。。。。樓主有無興趣試下？幾好架，無時間使錢，又多份收入。。。。。
眼瞓添，明天再睇睇有無嘢補充。。。。。

VickYeung

回應 3# 貓貓樣

真係好有理由懷疑你係耶穌投胎托世 ~

貓貓樣

回應  貓貓樣

唔通你前世係耶穌？
VickYeung 發表於 2010-5-13 01:35

典解？

VickYeung

回應 5# 貓貓樣

改咗 ~
你自己唔覺得？

貓貓樣

爺鬚用口翕，我就用手揼，唔同既。。。。。
禾港嘢右句句刀有骨，唔似得呀爺鬚咁好脾氣。。。。。

carman

三更半夜好想瞓，但睇倒呢個貼就身痕。。。。。
首先個標題係"我想翻工"？？！！如果樓主想做文職的話，請...
貓貓樣 發表於 2010-5-13 01:31

    樓主想搵文職，先要學好中文

貓貓樣

回應  貓貓樣

改咗 ~
你自己唔覺得？
VickYeung 發表於 2010-5-13 01:38

你拱樣即是曲線話我煩喇是唔是先家陣？咁我以後是唔是收聲好啲，做CDROM？！。。。。。

carman

大家有冇工作介紹阿？
m記...肯德基....就算啦
一來學唔到野，二來人工太低...
ben-00 發表於 2010-5-13 00:41

    唔知呢份0岩唔0岩你

急聘厨房總厨返早上7：30放下午5：30，星期六收三點，休紅日。午市打汁水煑快餐，下午預貨。有五個女工幫手薪金面議。



http://ylcc.happyhongkong.com/redirect.php?tid=1992&goto=lastpost#lastpost