|
心情動態：
來自非公營房屋 |
網民熱話：40歲未上車 會有不安同憂慮？
【on.cc東網專訊】近排樓市係咁跌，又有唔少新盤開售，但係都未必可以圓到大家嘅置業夢，事關樓價仍然未返到合理水平，好多由10年前等上車等到而家嘅人，真係心都酸埋。有網民就好緊張咁開post講「人到40歲，仲未上車第一層樓，會唔會開始有些少不安、憂慮？」佢仲覺得，如果要過多幾年先上車，自己嘅工作能力又會低啲，問網民如果係咁會有咩體會。咦？老友，四十而立，40歲可能只係事業嘅開始，咁快就咁灰？
其實，唔少網民都冇好似發帖者咁擔心囉。「40歲啫！嚇得我吖，以為你講緊80囉...」有網民就直言：「冇乜問題！」亦有網民自爆：「已過40，未買過樓，好安穩。」（絕對唔係自我感覺良好嗰種） 係囉，其實又使乜咁驚啫，有網民更加指點迷津：「申請公屋幾年上樓，唔驚！」咦，而家講緊買樓上車喎，買唔到樓就要住公屋？更有網民話，自己住公屋住到年過40，仲結咗婚、生埋仔。佢仲話：「有錢都唔買樓大有人在，住私樓樣樣負擔都係自己嘅，又驚樓價跌負資產仲不安喇！」諗落又係嘅，不過，有公屋就話啫，咁申請唔到公屋嘅點算好？ 不過，諗諗下，其實發帖者咁不安都唔係冇道理嘅。有網民就感同身受咁講：「如果差唔多50（歲）先供第一層樓，心理上會擔心有生之年供唔供得完層樓...」又有網民話：「如果租私樓，可能真係擔心日後住嘅問題。」亦有人話：「使乜40歲？30歲已經係，呢度咁多版你睇。」30歲冇樓就不安？咁小編咪...巧驚驚呀！ 唉，喺香港，個個都想有個安樂窩，所以未上車有未上車嘅驚，上車有上車嘅驚，小編雖然未夠40歲，但係都勸發帖者可以係定啲嚟，慢慢諗下自己將來啦！淡定有錢剩呀！  四十而立，點都要有層樓？ |
||
|
u-01594-8
揀樓次序： P058613
|
|||
|
心情動態：
來自非公營房屋 |
40才能夠成為公營房屋的租客，
就冇需要憂柴憂米，優被裁員冇錢供樓，天才！ 
|
||
|
市2
1268 I love Dog so much but I won't offence the rules as well, any evidence proved to against the rules, go ahead to complain, catch me if you can!
|
|||
