因本人太耐無上呢個網，唔太清楚應該將此貼放於何區，如果放錯區，煩請版管將此貼移至合適貼區，謝謝。
本人現居盈樂樓28樓，事發在昨晚2240-2245這段時間，本人女友因家中進行裝修，所以暫居在我家中，昨晚因OT夜歸，在上述時段返到樓下，當時與另一女性及兩名男性一同乘電梯上樓，電梯在22樓曾經開門但無人離開或進入，同乘中另一名女仕亦曾大聲問有無人出，不過無人有反應，最後電梯到逹28樓，剩下一名男子與她一同步出電梯，此時該名男子開口問她是否做美容，我女只係問佢咩事，該男子就話想同我女友做朋友，又問佢住邊個單位，姓乜名乜，要同我女友交換電話號碼，仲想伸個頭埋來睇吓我女友係咪真係入咗個電話，又話要試打俾佢，當然我女友只係做吓樣兼無俾佢睇亦無打俾佢。。。。。。當擾攘了一陣，該名男子仲想跟住我女友行，睇吓佢住邊個單位，此時我女友就話無帶鎖匙要打俾屋企人，該男子就即時想從另一邊樓梯離開，當時我女友就叫住佢，話有電梯，叫佢搭電梯走(因為我女友驚佢並唔係真係離開而係轉頭再跟住佢)，該男子真係轉而搭電梯走，佢走前我女友問佢係咪住22樓，該男子答係，跟住我就出到來電梯口，事情到此事時告一段落。。。。。。
據本人女友描述，該名中國籍男子年約50，身高約170-180CM，自稱呀Jo，姓鄭，住盈樂樓22樓(1,2人單位)，電話(^^%$)^(
事後雖然沒能即時捉住該名男子，但亦決定落樓告知當值管理員有這樣的事情發生，希望將個案轉交屋邨管理處再聯絡本人進一步跟進這個個案。。。。。。
與當值中更管理員初步談及此男子特徵，發現管理員對此人有一定印像，因其屬於麻煩人一類，及後到接手夜更管理員致電本人時，得到更進一步對此男子的確認，因為此人已有前科，曾對同邨其他女性住客作出滋擾行為，有被其他住客投訴記錄，係慣犯來，唔怪之得咁狼死。。。。。。
至目前為止，屋邨管理處還沒有致電本人，待稍後時間再無來電，本人會主動打去。。。。。。
據本人女友所講，當時該男子並沒有飲醉酒的徵像，初步亦覺得並非是精神有問題(主觀覺得，一聽倒我女友話打俾屋企就即閃，咁精口，傻極有限)，唔是飲醉，又唔是傻，最後可能性，色狼或賊一名。。。。。。
女友曾經因為怕麻煩，唔想我將此事搞大，但本人實在覺得這是非一般嚴重性，跟出電梯，仲想跟住行，無論係色狼定賊都一定不可掉以輕心，經我解釋下佢都接受我去向當值保安匯報此事，而我亦再三提醒女友，再有機會遇到這種情況，一定要冷靜，要緊握手提電話，因為無論係報警或通知屋企人都有需要用到，亦可對此等人仕造成一定阻嚇性，同時要跟欵人保持一定距離，以防被搶電話或被捉住，唔好答佢任何問題，如果欵人都沒有退走，必要時大叫，這是最能嚇怕這種人的手段，而且遇到這種個案，一定要向有關方面匯報，不要怕麻煩，否則隨時會害到其他人。。。。。。
這次自己都有反醒，對身邊人既安全問題在實在太過掉以輕心，以為有閘有保安就可以安心，以後都不要懶，盡可能都係落樓接身邊人，尤其是現在公共屋邨既情況，真係小心駛得萬年船。。。。。。本帖最後由 貓貓樣 於 2016-01-08 12:56:37 編輯
凸凹凸凹凸凹凸凹凸突翕會員貓貓樣
女仕們小心d
