綜援，生果金幫唔到佢哋? (轉載) - 社會保障&關愛基金 - 本港基建與民生 - 香港公營房屋討論區 - 公屋,居屋,綠置居,輪候,調遷,新屋邨,平面圖,公務員,裝修設計,2018年新公屋,公營房屋第一手資料...

rubyip730

特級用戶 Rank: 4

心情動態：

來自洪福邨

2015-11-09 11:55:45 繁简粗

留言#1 此帖子網址

綜援，生果金幫唔到佢哋? (轉載)

很多人見到老人家的困境，都會習慣問：「為什麼他們不找社工、不申請綜援、還有生果金呢。」似乎「社工」、「綜援」、「生果金」當係救世三寶。
其實65歲嘅老人家先有資格申請生果金，但係都只係得千一二蚊，去到高齡老人家，就有$2200幾，另外仲要係要經過資產審查，（資產上限係大約十九萬，呢啲係老人家係棺材本，佢地係唔會用，冇錢買棺材係一種禁忌），有一個80歲的紙皮嘅婆婆同我講，我勤力勤力工作左成世人，點可能連20萬都冇，我唔明白政府點解要「懲罰」我呢啲勤力工作嘅人。
就算老人家「好彩」攞足$2200幾，如果老人家沒有公屋，獨居，沒有子女照顧，根本連交板間房的租金都唔夠，而且那些地方環境非常惡劣，又熱又焗，滿佈木蚤，根本瞓唔到。問一下自己，今時今日嘅香港，$2200幾做得啲咩？⋯⋯
關於綜援，老人家就算有仔女冇能力供養，要申請綜援，老人家就要子女簽所謂「衰仔紙」，好多都唔會願意簽和申請，這是一個難關。就算老人家辜負無依，政府的「洗腦教育」非常成功，「攞綜援」=「依賴政府」這一種概念對老人家來說已經根深蒂固，所以好多老人家就算無錢要執垃圾桶搵嘢食，都唔會「攤大手板」「依靠」政府幫手。
就算老人家跨過這心理關口，去到社會福利署，好彩就遇到好嘅職員同社工幫手，唔好彩嘅，就會慘遭蹂躪一番，好多老人家就係咁樣，不甘再受侮辱而不再求助。
這就是我的所見所聞，而且肯肯肯肯定只是冰山一角！(唔好突然間跑出一個「專業人士」同我咬文嚼字、更正數據，辯論程序，由頭到尾我冇講過我係「專業」，而且解決問題唔係我呢啲「二打六」，敬希明白）本帖最後由 rubyip730 於 2015-11-09 11:57:09 編輯

若"幫人"時懷有目的和期望有回報, 那是 Business 不是 Kindness
If you're helping someone and expecting something in return, you're doing business not kindness.

分享分享讚好人數：0查看名單

公屋申請速報系統