|
心情動態：
來自非公營房屋 |
使用淘寶集運公司「爽x」服務，免費送你卡板一大塊
首先，由於我第一次用集運，如果而家用集運係有卡板送既，
咁呢個Post 可以直接跳過，因為我真係唔知規矩@@ 另外當時烈日當空下已經忙緊點搬貨，所以冇影到卡板， 嗰日已經大汗淋漓紮曬頭髮咁搬緊貨，仲抬住塊卡板路經各巴士的士Van 仔站， 樣衰既程度已經唔想回想 T___T 我第一次用集運公司，用左一間叫做「爽x」， （仲特別標明香港人經營，真係失望...） 因為佢有大貸專線，滿 100 kg 價錢比正常既平d， 而且重貨一直都唔會送上門，要加錢係正常， 而佢網頁都寫明送上樓大約1kg HKD1，愈重愈平。 今次我訂左一d 卡扣式膠地板，牆紙同蚊網， 差不多180kg，換算完運費俾大約7百5。 搬貨哥哥仔約時間送貨啦，我問佢運費幾錢， 佢話同Partner 傾完覆我，之後再覆我500 蚊， 我話大陸運黎香港都係7百幾蚊，上樓要500 ?!! 網頁寫左話1kg HKD1，我諗住2百蚊搞掂喎， 佢又話唔知公司點喎，初初又話我地幫你搬上樓公司唔俾架，俾人知道要罰， 之後又話我地2個人，唔知點分錢，所以要收500。 咁算數啦，我自己搬，電話都同佢講左係咪可以搬入大堂，佢話可以。 貨車一到，佢地用"即車" 將卡板同11件貨放左喺馬路邊， 莫講話大堂，連行人路都唔搬上去，話"即車"上唔到去，直接放喺馬路邊， （我真係諗唔到原來而家喺市區運貨係用大大架"即車"， 咁大架貨車入面係冇手推車或者板車架～） 到我同女性朋友研究緊點拎上去既時候，佢地冇講聲就開車走左， 卡板同11件貨就好孤伶伶咁俾人遺棄喺馬路邊...  我地2個女人仔，搬左粒幾鐘都算，因為初初都預左如果唔上樓要自己搬， 最嬲係我仲要掉埋塊卡板去垃圾站！！！ 我有喺淘寶留劣評，不過我諗好多人會睇唔到， 因為我俾錢既時候用PPS 話超左額 (之旦係之前買野一次俾3000 又冇問題) 之後佢俾左另一條Link 我，係間舖有賣手鍊，之後我就可以成功俾錢， 而Comments 亦當然喺個邊出現，或者佢唔知幾時Del 件貨都唔知架， 反正我留左劣評之後，店主亦都冇反應亦冇了解件事。 確實好多店主都一定話貨運既問題唔關佢地事， 但係如果店主本身冇同貨運溝通，直接寫明上樓費大概1kg 1港幣， 我就覺得有誤導成份，而且呢間集運搵既貨運真係好唔掂， 我最嬲既係冇理由連卡板都唔拎走，呢d 咁既Free Gift 我真係要唔起  至於係咪因為我11件貨好大件，初初我見到店主Send 俾我既相，都超出左我預期之內， 之但係見完實物之後，又覺得好似係另一回事。 俾大家睇下店主Send 俾我既相同我自己影既， （蚊網已經拆左出黎，係半成品，所以係長條形同綠色嗰包包埋一齊） 一係就本身店主影俾我既貨根本唔係我既，如果唔係既就係... 影相既角度真係好緊要，難怪而家識女仔真係唔可以只靠FB 相 
|
||
|
|
|||
|
心情動態：
來自怡明邨 |
淘淘信吾過，我從來吾幫襯
|
||
|
很感激Cyclub，也越来越爱怡明！！！
|
|||
|
心情動態：
來自非公營房屋 |
淘淘信吾過，我從來吾幫襯 一dd 啦, 有錢既我緊係香港搞掂, 甚至搵人裝修, 而家就係冇錢, 樣樣野要DIY, 喺香港搵人舖地板, 人工費仲貴過我淘番黎既料, 而且之前收過樣板, 質地都ok, 而蚊網質素好好, 一定好過香港買魔術貼個d, 之前裝鋁窗, 整蚊網要2千, 我而家都係200 百蚊, 雖然暫時遇到一d 之前已經預左既問題未解決到, 不過唔關個蚊網事, 係我個窗既問題. 鬼叫自己窮, 以前我都唔信淘寶, 但係窮真係冇辦法, 所以我都花左好多時間心機上網睇資料, 可惜而家衰左既, 居然係香港人經營既公司, 真係心酸呀 
|
||
|
|
|||
