|
心情動態：
來自宏富苑 |
想不到買居屋的理由
2015/07/10 星期五 11:52
百萬Blogger：想不到買居屋的理由  相片來源：本報資料室 撰文：財叔 百萬Blogger 上星期有人問我對居屋滯銷有何睇法，正好在專欄講講。今次入飛超額6倍，不出奇，因為好多人以為是金多寶，200元入飛，重平過六合彩買8個字複式，抵到爛，而且「中獎」機會是六分之一，易中過六合彩好多，正所謂有（資格）入唔入，真係罪大惡極啊！ 但為何來到揀樓時刻，又會有如此多人縮沙？這又是正常不過，中唔到頭二三獎當然唔要啦，不如下期再買過。 不過，如果這人是綠表申請者，我贊成其做法，但為何白表縮沙者數量更多呢？當年不是因為剛性需求，所以復建居屋嗎？而這個剛性需求，豈不多數是來自白表申請者嗎？ 應建公屋解決住屋需求 說到底，甚麼剛性需求只是分析員用來解釋樓價上升的原因。當大家重溫何解會復建居屋、何時開始有人要求復建居屋，你就發現這其實是一個笑話。 大家還記得2009年有醫生律師月入10萬元，打去電台話買唔到樓嗎？之後不斷都有人呻樓價貴買唔到樓，2011年政府落實復建居屋。 今年居屋一開始接受申請，一如所料，有資格的人都申請，唔浪費。但細想今次折讓30%，折完亦一定貴過2009年，但亦仍會貴過2011年，那麼當年話貴到買唔起的人，何解還有興趣申請呢？ 其實到現時仍有很多人連「需要」同「想要」都未識分，我不明白何解政府要去幫人買樓，要解決真正的住屋需要，應該是起多些公屋，住緊劏房那些人才是真正有住屋需求，但政府竟然去照顧那些買不到樓的人，而不是起多些公屋給真正有住屋需要的人，真笑話！ 三成折讓太少不值得買 雖然我都曾經是居屋受惠者，若非當時政府突然將買樓按揭由九成改到七成，等我儲夠一成首期之後突然修改按揭成數，我都唔需要去買居屋，因為當年私樓和居屋價錢差唔多，我買一個馬鞍山單位41萬元，大埔太湖花園都是48萬元左右，不過最後因為首期問題，我惟有買居屋。但現時私樓都可以有九成按揭，真係想不到買居屋的理由。 就算你真的有剛性居住需求，而且打算住到百年歸老再留給子孫，都唔應該今期買，因為今期折讓得30%，真的太少了！以前有50%折讓，才真的買得過，但亦記住只限住過世，投資免問。 其實唔好話投資，居屋基本上連資產都不算。買居屋其實是政府和你夾份買樓，以今期為例，你七佢三，但日後所有支出由你俾晒，到有一日你賣樓，他就要和你分身家。而且不是你賣幾多錢，就照三七分，而是佢估幾多，就要以佢的估價三七分。當然你可能想，賣之前問問估價咪得囉，但你要付錢去問，而且估價有限期，限期內賣唔到又要比錢再估過，或者蒙住眼賣，賣完睇下佢要分幾多。 而且就算你供滿，以為層樓係自己，想去再按居屋返錢出來，都唔容易。如此說來，其實買居屋為咩呢？這只是給綠表人士作為一個公屋戶籍的延續或交換的工具吧！本帖最後由 angusluk1982 於 2015-07-10 13:58:52 編輯 |
||
|
|
|||
|
心情動態：
來自宏富苑 |
|
||
|
.
|
|||
