「遲啲可能人工都要自備！」

VickYeung

「遲啲可能人工都要自備！」

公司慳到盡　員工自備紙巾垃圾袋

【on.cc東網專訊】工欲善其事，必先利其器。無論寫字樓工作或行街跑數，倘公司有周全支援配套，員工辦事定必事半功倍。有網民卻訴苦指公司厲行新政，以員工自用為由，竟然連紙巾、洗手液和垃圾袋都要求員工自備，他大感不滿。網友聞訊多替樓主感不值，紛紛勸其辭職，有人更戲言：「遲啲可能人工都要自備！」。
面對公司新政，網民可巧可樂在網上論壇香港討論區開貼訴苦，透露公司只有3名員工，平日除了辦公室工作，更身兼「出倉執貨拉貨」等體力勞動，公司不僅福利全無，近日更有新政策出台，要求員工「自己買」紙巾、洗手液和垃圾袋，解釋相關物品都是員工自用，令他質疑「遲下會唔會連水都要自備？」，反問網友「呢d(啲)情況香港普唔普遍？」
眼見樓主慘遭壓榨，不少網民都仗義執言批評其公司「白痴」，並指倘公司連「糧草都慳」，前景不佳，更恐有倒閉危機，紛紛勸樓主辭職走為上着。有網友亦安慰稱自備必需品亦非最過分，分享曾有公司要求員工夾錢買日用品，但質素全無保證，「硬性收我兩舊水又俾(畀)啲垃圾我咪仲衰」。網民亦作出溫馨提示，稱不怕自備物品，最怕有「cheap精(貪小便宜)」同事挪用，提醒要妥善存放物資。
不過事出必有因，有網友就理性分析，質疑事主是否有同事「唔生性」及有師奶心態，覺得「唔洗(使)佢錢自己買」，就隨意將公司日用品拿回家自用。有人亦分享公司物品本可自由取用，但其後總務稱「有人偷廁紙同文具」，而變成配合制。有網友聞訊借橋，促貼主向公司提出「反建議」配給日用品，令開支更有預算。

網民有話說
djyeung：請自備人工，公司係無糧出的！
snack128：簡直離譜啦, 垃圾袋都無....
hohob：這類型公司我都做過，這些公司跟本做晤(唔)長，無前景，分分鐘出糧都成問題，早走早著(着)！
新型冠狀病毒：公司要你自備自用日用品係無可厚非，不過你記得提公司，員工OT左(咗)要俾(畀)OT錢喎。
roro007：事出必有因，好多公司初初都係無理呢啲嘢，多數都係後來啲人做壞規矩，如果人少，每人加少少津貼，自己搞掂，都係好辦法。

李游

Horribleellis

Andy12345678900

Sammi520

遲啲可能人工都要自備！

chan328

ccschris

將來面試見工，要收面試費

梁浸浸

MaggieWong

最基本的員工福利都冇，，