以往, 裝修報價, 老師傅都會計多 9-10 %.
預咗客仔會 "支九留一"。
即係,
四成 = 買料, 開工
兩成 = 中期
三成 = 驗收
最後扣起一成, 執完手尾之後, 客人完全滿意先至俾埋尾數。
========================================
好多時裝修, 雙方面出問題, 一般都係溝通問題, 亦離不開一個 $ 字。
客人改嚟改去, 將原本設計推倒重來, 但就唔願意賠料錢及加翻工嘅人工錢。
師傅俾國內傢俬廠拖期, 但又唔肯蝕人工改現場做木。
師傅執手尾, 為著人工問題, 一般都係夜晚;
但由於己出現質量問題, 客人對師傅採取不信任態度, 往往迫令師傅要多開幾日工。
對師傅而言, 賺錢工程變蝕錢, 往往最後不歡而散。
