昔日少年犯，今日再見，早白了少年頭。半世紀過去，有人堅持造反有理；有人反思歷史，不再相信「爹親娘親不及毛主席親」，67歲的高兆楨，是其中之一。當年因為幾十張傳單、一句黃皮狗，17歲的他被判監30個月。「事後上庭，知被我鬧的警察，原來叫袁錦洪」。50年過去，他說希望一聲道歉，可化解恩仇。「至少，讓個人鬥爭劃上句號」。千帆過盡孑然一身，他說希望照顧好90歲的媽媽，平靜走完餘下時光，真正放下。「帶着仇恨生活好辛苦。」他說。

記者：呂麗嬋

陪高兆楨來老人院探望媽媽，不時見到職員和他打招呼：又嚟咗探阿媽呀？只能以胃喉進食的高媽媽，在輪椅上閉着眼，依依哦哦的說着潮州話，記者聽不懂，高兆楨在旁解畫：「你咪見佢咁，佢仲好醒，話知我嚟探佢好開心」。朝十晚四，由西營盤坐地鐵到荃灣，像長征，風雨不改。「好慶幸當年無死喺反英抗暴，如果唔係，阿媽最錫我，佢無可能活到今日」。在運動中，他直言最受傷害的，是媽媽。

「嗰時係全情投入，同佢講已作犧性準備」。爸爸行船，媽媽是家庭主婦，不問世事，家貧，學校安排派報紙幫補家計。「海員家庭，大部份只會睇文匯大公，喺外國俾人蝦，民族感情特別強。」8歲來港， 記憶中的故鄉很美好，可以夜不閉戶。「內地經歷不同政治運動，人係會變，但美好的回憶卻會保留。。身為獨子，自小與媽媽相依唯命。「出監時，見到佢成個落晒形，覺得好對唔住佢...」說起往事，高兆楨多次激動得流下淚來。

社會動盪，在緊急法令下，就像當年無數左仔被捕的故事。時年17的高兆楨，在中華中學就讀中三，67年11月10晚上，放學回家途經醫院道，被7、8 名警員攔截，發現書包藏有「反英抗暴小報」。他憶述當時警察說：「原來你係死左仔」，他當下氣上心頭，回敬「黃皮狗」，立即被圍毆。後來上庭，以「發動煽動性演說」、「阻差辦公」及「藏有煽動性標語」入罪，判監30個月。

當年是學校鬥委會成員，一腔熱血，但他說不認同往後左派一些過激行為，包括自製真假菠蘿，傷及無辜。「唔好用暴力行動實現理想，無論理想有幾祟高、理由有幾充份......等於你有七兄弟姐妹，大家唔同信仰，各自尊重就好，點解一定要搞到水火不容？」事實上，首任特首董建華及首位律政司長梁愛詩都是校友的中華中學，是左派學校學生投入運動的大本營，暴動期間，一次謎似的實驗室爆炸，警方聲稱在學校搜獲炸彈，並查封學校，引起轟動。

「年輕人都係有熱情有理想，家見到啲後生仔因為掟磚頭被判監，係好心痛，無考慮過後果，出獄之後，將來嘅人生，始終要自己去行面對。」年少氣盛，由撩人者賤仇深似海，到渴望釋懷、平靜過日子，高兆楨直言，當中經歷過漫長的反思。「警察唔係我敵人，要放低，我同林占士（當年平暴警司）都可以坐低飲茶，成為朋友」。這段歷史，北京不願提，市民反感，多年來左仔暴徒惡名揮之不去，他說，對於一代人來說，是痛苦的傷痕。

「好多人唔想再提，唔畀仔女知；唔喺左派機構做嗰啲，出獄後，身體差、生活無着落，鬱鬱而終。」政治無情，他直言被時代捲進旋渦，到黃昏之年只想逃得遠遠，遠離政治。「出獄之後，睇番好多西片，齊瓦哥醫生、午夜快車，早春二月...」他說：「以前睇海神號遇險記，要掩面入去戲院，西方思想係毒草，依家睇番，係好狹窄，點解要咁狹窄？知多啲，起碼可以分清真假，但你喺嗰個圈子成長，就係咁樣」。

對於平反，他看得淡，畢竟，偉大光明正確，是共產黨嗌了多年的口號，怎可能認錯？「我心照明月，明月照溝渠，如果個阿媽50年唔認仔，你再求都無用，係時候放下。祖國遺棄你，我仲有阿媽，佢永遠最在乎你，喺度默默等你」。左派出身、出獄後獲安排到中資銀行工作，高不違言他這樣說是離經叛道，會被批評，但他說已不在乎。「我都67歲，無結婚無仔女，就只有呢個阿媽，唯一希望係可以照顧好佢，真正可以實話實說」。

「唔想一個慌言掩另一個慌言，咁樣好無意思」。回首前塵，他謂不贊成以暴易暴：「當年林彬係火上加油，但言不入罪，唔應該死，呢樣嘢，肯定係錯」。大時代小人物，他說今年之後，希望真正放下。「每次講都好傷心，今年50週年，希望係最後一次接受訪問，最多搵到袁錦洪，叫埋你一齊飲茶，不過如果佢仍然在生，應該都已經70幾了吧？」被囚赤柱、曾德成是室友的歲月，似遠還近。「我仍然關心時事，但經歷咗咁多，我知道屋企人先係最重要」。他說。

手機用戶請按此觀看【六七暴動StoryMap】 http://bit.ly/Riot67_map

走過是非難辨的動盪時代，悠悠天地，只剩兩母子相依唯命，高兆楨說慶幸當年並無在反英抗暴鬥爭中送命：「佢最錫我，如果我死咗，媽媽無可能活到今日」。（李家皓攝）

（李家皓攝）

（李家皓攝）

千帆過盡，他也成了老人，唯一心願是與90歲的媽媽，平靜走完餘下時光。又希望尋回昔日被他鬧黃皮豬的警察，化解恩仇。（李家皓攝）

朝十晚四，由西營盤到荃灣老人院探望媽媽，風雨不改。像長征，又像贖罪。（李家皓攝）

這是他與媽媽最愛的合照。爹親娘親不及毛主席親？「咁樣係扭曲咗人性」。高兆槓說。

那些年，毛澤東精神領袖，差不多每個左派工會，都有大幅毛像。高兆槓笑說，去睇海神號遇險記都要偷偷摸摸，不敢同戰友提起，只因西方電影是「毒草」。

當年是學校鬥委會成員，積極投入抗爭運動，而就讀的中華中學，與董建華及愛詩是校友，惜六七暴動期間被搜獲炸彈而被封校。

8歲來港，父親是海員的高兆槓，直言他們這一代人都很愛國，記憶中的故鄉夜不封戶。「內地經歷不同政治運動，人係會變，但美好的回憶卻會保留」。

一班「赤柱舊生」是日在流浮生相聚，出獄後，際遇不同，都付笑談中。