天風有種媚態，眼珠黑漆漆圓滾滾，說話輕聲溫柔，自言性格像母親，母性重，喜歡照顧別人；同時又像大部份剛陽男子般，愛話事，傾向分析性思維，「仲有鐘意打機囉」。小時候，他愛與妹妹看《美少女戰士》，最喜歡火野麗──長直黑髮，穿紅色高跟鞋，外表符合典型女性想像，個性卻火爆十足像個男兒。
記者：朱雋穎
畢業於港大教育學院，主修通識教育，天風在學時不時穿女裝上學，成為校園焦點。他說，其自我認同是男性也是女性，「越大越覺得係，識我嘅人都唔會認為我只係男或女」。在明白甚麼是性傾向、同性戀之前，他就意識到自己對男性懷特別的好感，「但當時以為只係細個先係咁，對女仔冇感覺。以為大個咗，就會同所有人一樣，結婚生仔」。
不過，他亦坦言，中學時情緒不穩，非常躁動，「阿妹、爸媽都覺得我癡癡地線」，同學們都當他是女生看待，「佢哋唔理解，我自己都唔理解」，同學大多純品，未曾欺凌，唯一一次受惡言所待，是轉校後有個同學指着他大叫「你個死人妖」，「我轉咗校幾日，連嘢都未同佢講過」，後來他向老師說感到不舒服，老師就要求那同學道歉。
天風喜歡高瘦英俊的公子型男生，根據情史歸納一下，他會被比他聰明的人吸引，「不過好少遇到啲咁嘅人」。拍過10次拖，他現時宣稱不再交男朋友，原來暗中仍在觀察，有甚麼人無論發不發展，也願待他好，「深層需要都係，如果有個人可以好了解我就好喇」。
同志界多外貌協會會員，天風說，這與社會對性小眾不友善的環境，有莫大關係。「真嘅關係好需要共同經歷，但當整個環境都係相對唔友善，會將生活迫去唔顯眼嘅角落。好似我年少時，拍拖同識男仔，大部份時間都喺床上過。因為唔out得呀，好多嘢驚」，常人拍拖可以手牽手去睇戲、食飯、上烹飪班，同志卻要可能遭白眼側目，「其實係連識人都難，酒吧唔係識人嘅好地方，大家都係猜、飲、講是非，可以發展乜嘢共同經歷呢？我唔會夠膽喺日常生活中，如讀書、返工或搭車識人」。
他苦笑說，曾在地鐵望男仔，被發現後對方迎面走來，他心諗「咁筍？」之際，對方恫嚇「係咪摟打呀！」嚇得他呆了，只敢說不，「如果當時夠吉士，我應該話『望吓靚仔之嘛』」。他也曾做實驗，試試跟女生交往，有過跟女生的性經驗，「但真係冇feel。如果唔係性小眾，當然乾手淨腳啦，但人生冇咁筍」。
天風慶幸生而為性小眾，更喜歡這樣的自己，多於想像中那個符合主流期待的他，「如果唔係性小眾，我會學少好多嘢，唔會咁關懷其他人，亦唔會咁理解人應該有乜嘢權利。嗰種衝擊係好直觀，原來我嘅身體我唔可以咁樣控制。但唔係每個人都過渡到，好多人仲係壓力好大，唔知可以點生活。大家一齊爭取，身體自主要大家一齊做」。

      基本上我絕對專重他人的選擇！

愛嘅世界裏面，應不分高低，貧富，男女，女男，男男，女女，老幼，因愛是共融，愛是無私，，，，

男男嘅愛  十九代  上下九代   

我唔會歧視你的

回應 #6 MaggieWong


    你试下