取匙幸運地順利無行冤枉路 但其間一直好多人話指示唔清晰 向我問路
搭lift上行人天橋…先去黃蝶樓籃球場…有職員比張字條你叫你先去自己果棟樓望一望不要超過20分鐘…你間屋係無鎖門就咁入…我建議執漏都可以遲下先睇因為7日內報就可。
先望下間屋你會唔會要…要的話快快落樓去番紫蝶搭lift上去辦事處…因為果度係你半日花時間最多既地方…要先去門口排隊…排到入去會問你邊棟咩室然後畀個籌你去一個有枱有筆既空間有個職員教你簽一式兩份既名…填定入息申報表…之後去等候區一路等等等等等等等叫你個籌。
叫號入去見職員 寫入息銀碼 簽名 比全家身份證副本佢 比現有地址佢中英文…跟住佢會幫你轉水同電…煤氣自己搞。 (辦事處係收唔到網絡…建議係外面就睇定你銀行結餘幾錢先)
跟住叫番你去等候區繼續等等等等叫號
叫號後要跟地下黃色線去另一邊
又要注意 先去交按金租金窗口 職員會叫你坐號碼櫈順序…你要望住邊個排你前面…超易比人打左尖!租金窗口交左錢比佢會叫你去左邊窗口交泥頭…然後職員唔會話你聽唔洗排隊…泥頭費個窗口係會順交租金個序叫戶主名你先行過去…交兩張相片…之後就去左邊取匙窗口取匙取入伙file取裝修公司form…會提醒你裝修form遞交3日後裝修公司先可上門裝修。
取完匙成個程序就完結…你就可以慢慢上番你自己間屋睇執漏…我會對住智入伙泥睇有咩問題…
https://eservices.housingauthority.gov.hk/host#/landing
㩒完啲有問題位置右上角相機圖案係上傳圖片…返回…要儲存咗再提交
我自己間屋就係大門油漆爆裂 唔知係米天氣潮濕 成道門都係裂痕 仲發曬霉。
如果唔識用智入伙…你用鎖匙鎖好木門鐵閘後落番樓下職員會教你一步步填…填完比兩條門匙佢…做好sms同電話通知…叫你拎番匙(可家人對資料代取)但佢答唔到執漏要幾耐~
提示:一定要帶飲品、老人家帶定補充食物…去廁所…怕塵者帶口罩…好大塵…有bb叫屋企人帶去富亨飲茶等你
當日我8:30到達 搞到11:40…已經算好順利~係要你行呢度果度同等得耐