回應 #38 Greenbean
我今日去左睇啦！
同想像中都幾大差別，唔明點解啲人會講得咁差??
單純可能因為樓齡舊就拒絕？
原本諗住會好多大陸人同老人家聚集，環境唔太好又污糟嘅
點知出乎意料地清幽同空氣清新
一個大陸人都無見到亦無人係公園/休憩地方聚集
(不過都有機會因為復活節假期番晒大陸/我晏晝時間去所以無聚集)
有幾個公園仔、圖書館、籃球場同羽毛球場等
入到lobby 有4部?，每部都有指定樓層(大約得4-5層樓)，而且翻新左，信箱都翻新左。之前去過其他公屋等?要等好耐，我唔太鍾意依樣野，但依到等?好快又少樓層我都幾like
上到樓走廊乾淨無臭味無垃圾極寧靜，問過鄰居會唔會多小昆蟲同埋日常會唔會好嘈，都話無同好靜，鄰居話佢住咁耐都覺得清靜同舒服。
同看更姐姐傾左一陣計，佢都係住蝴蝶邨，佢話唔介意細嘅話依到真係好好，咩設施同配套都齊，又方便又舒服、校網又好，唔同程度嘅學校都有(我未fact check?)，又話依到只係多老人家住，都好太平。如果唔想用石油氣可以用電池爐，仲同我講冷氣要用分體式等等，看更姨姨超好傾同熱心，傾左好耐計?
之後我就去埋蝴蝶商場，我諗5分鐘路程都唔洗，沿路行過去有瓦遮頭，街市我就無去到，去左兜下商場同食下野，惠康屈臣氏萬寧薩莉亞爭鮮大家樂pizzahut依啲都有，跟住就搭車走左?
未去之前我可能係4分想要6分想唔要
但實地考察完就調番轉
因為有小朋友就覺得配套好緊要，唔想買個餸都行下遠
但同時空間都好緊要(好似講緊廢話?)
我心思思想博富蝶嘅，見到好似4-6月預派(not official news)，如果係依個時間派覺得自己有少少機會，但睇左富蝶2-3人仲細過蝴蝶邨，仲要係長方形。。。
宜家我就係樓齡高配套好vs新樓無配套+再細啲嘅予盾當中，咁當然我二派同三派都唔知係乜，最差最差咪其餘兩骨。
