沙田碩門邨健碩樓近年驚現一名古怪男住客,經常只穿三角內褲在走廊尾隨街坊而行,又罵經過的女街坊是「雞」!左鄰右里投訴被弄致家無寧日,小孩不敢回家,有主婦受困擾患上情緒病。居民指多番報警及向房署反映,但情況未見改善,最終要向網民呼救。記者:馮國良 梁偉權 張珮琪
近日互聯網廣傳題為「求救!懇請高登仔集思廣益!施以援手!」帖文,內文指碩門邨健碩樓一個男住客以不同手法,如僅穿內褲示眾、赤腳鬼祟尾隨女住客、突然對鄰居喝罵吼叫等,多番滋擾街坊。全層至少有8戶投訴經常受到滋擾。
失驚無神講粗口
《蘋果》接觸多個投訴居民,其中周先生申訴,他兩年半前一家四口遷入健碩樓一個單位,將所有積蓄裝修組織安樂窩,入住數個月後,發現斜對面單位住了一名怪漢。他有時滿身酒氣在走廊吵鬧、耍功夫、又多次赤腳「吊住周太尾」,再突然大聲呼喝:「喂!你係唔係喺度住㗎?」由於回家必須經過怪漢家門,周太不時無故被對方侮辱:「隻雞返嚟喇!」
飽受驚嚇的周太,出現失眠、緊張情況,結果證實患上焦慮及抑鬱症,現時每天服藥包括鎮靜劑。周先生嘆謂:「佢屋企打開門、閂鐵閘,我哋出入都要戒備,你行過佢就會失驚無神開閘鬧X你老母!」周的6歲女兒曾被該男住客喝罵,弄至她不敢回家,要寄住外婆家。
據悉,被指是怪鄰居是一名55歲男子。上周五晚10時許,他報警指不滿保安員帶同非住客上樓,他口中所指的非住客正是周家,警員到場了解證實周的身份,該男子則情緒激動,警方將案列醉酒人士處理。
僅穿內褲赤腳走
住在同層的馮女士,亦多次被喝罵做「雞」,她指該男子遷入初期晚出早歸,估計是做通宵班工作,及後閒賦在家漸漸出現怪行。馮訴說因為多次被滋擾,情緒日差曾求醫,醫生指她有初期抑鬱症狀。同層另一家庭陳女士則稱,見過該男子僅穿三角內褲,赤腳行去她門前眼望望,令她心驚膽顫。另一鄰居呂太透露,一度放一柄刀仔在手袋傍身。
住戶多次投訴無門,部份人早前向房署申請調遷,馮女士稱:「我哋條巷5戶有3戶俾佢搞到要申請調遷。其實街坊本來相處融洽,問題喺佢身上,點解係我哋搬走?」他們無計可施,周太索性將經歷放在 facebook,瞬即被友人廣傳至高登討論區求助網民,引起網上熱烈討論。
面對鄰居多項指控,記者昨天向該男子查詢,他表現激動,否認滋擾鄰居,亦聲稱不會搬走:「我冇錢搬!房署叫我搬出去,表面畀個大單位我,實際叫我搬離呢層樓。」本報向房署查詢有關事宜,但至截稿前未有回應。
三家住戶講述受鄰居滋擾事件。
面對被指滋擾鄰居的男住客,回應指控時顯得十分激動。