回應 #53 mikechung
所以點解好多美東邨的朋友9衝買凱樂同麗翠就係咁解。如果師兄並非對冠德情有獨鐘,非卿不娶的話,你可以考慮一下彩興苑撻訂單位,我初步研究過有幾間都係向南既兩房。價錢相對比冠德平,最重要係辦好手續就即時入伙,由揀樓至取匙就要一個多月。
另外,在臨近凱樂B-E座陸續入伙時,可能有人最終撻訂,如房署今年拎去賣樓主亦可積極考慮。
如果我無推斷錯的話,師兄你應該未婚,師兄你一個人搵錢,既要負責老人家支出,又要負責自己洗費,有幸買樓的話又要供樓。除非你有大把積蓄,否則我建議你需要以樓價選擇你的單位。真的,老人有病又有額外支出,如果你萬一收入下降又會供唔到樓。所以樓主要慎重考慮。因為一旦因供唔起樓而賣樓,就再申請唔到公屋。