呢個告示牌同茶壺,係咪令大家記憶猶新?陳善南攝
陳善南攝
陳善南攝
唔知冰室係乜?之咪就係茶餐廳嘅前身!
格仔地磚、木卡位同手繪海報,相信都勾起大家唔少回憶,歎埋菠蘿油、西多士同香滑奶茶,真係有晒地道香港情懷。始創中心今個中秋就以「冰室」為主題,邀請咗本地收藏家歐陽偉航,展出逾200件喺60年代起嘅懷舊冰室珍藏品,包括食器、擺設、掛畫、餐牌、掛牆鐘、告示牌同水吧沖茶工具等;經營半世紀嘅「海運茶冰廳」內嘅手繪掛畫,更加係焦點。【奶茶通俗學】作者崔氏兄弟亦會展出一系列有關冰室嘅文化研究,希望令大家以輕鬆角度,探討冰室飲食嘅通俗文化。
喺聽日(13日)至10月8日嘅展覽期間,商場仲會變身為傳統冰室格局,綠白相襯紙皮石地板、天花吊扇同古式時鐘,還原返冰室嘅味道,置身其中,別有味道!