今次既改善空間, 雖然排到去300幾名, 都打定輸數, 冇咩大單位可以揀, 只有4百幾呎, 偏遠地方, 舊舊舊樓今早去揀好唔好彩, 揀左個比較合適既單位, 到我入去再睇既時候, 居然俾前我幾名既住戶揀左, 只好再一次放棄, 因為真係唔想揀1/2樓, 唔想揀天水圍, 唔想揀港島區
咁可能你就會話, 咁你都唔係好急住搬o者, 當有得揀幾時候, 每個人都緊係想揀好d啦, 真係好難叫我由西貢搬去天水圍架.
說真, 如果直接由政府直派, 我覺得還好, 因為至少個面積應該都會乎合7人單位囉....
係今次既計劃, 一出表我就周圍去睇樓, 睇環境, 睇下岩唔岩屋企人住, 睇下交通方唔方面, 途中, 我遇到一家人,
傾落, 佢地講左俾我知, 佢地點擠逼法, 1人單位, 16平方米, 結婚, 生仔, 再家埋母, 4個人, 密度得返4.0, 咁佢就已經排第2日早上
佢就咁可以去揀左d 4~6人既比較好d既單位, 我地呢d排係後面, 甚至排我更後既人, 就咁樣, 冇晒機會
呢個計劃好像就係俾你地, 要搬既, 搬大少少好喇咁樣, 5個人, 4個人既家庭還ok, 因為3~4人既單位佔左一大半
其實根據第一日既數據睇都知, 第一日喎, 咁都揀唔到, 唔係揀唔到呀, 係得返d豬頭骨俾大家庭囉
大家庭既住戶(6~8人), 說真, 如果你想揀到心水樓, 你密度真係要最少係4以下囉, 3點幾就差唔多本帖最後由 skiimask 於 2017-02-08 11:36:50 編輯