大家都係綠表,想同大家吹下水,傾下計,討論下
首先,大家都係綠表,即是大家都有公屋單位住緊?
咁即是唔算係非搬/非買不可?
如樓上c兄/c姐所講,買3房,冇3房,2房都照殺
我都想買3房,但冇3房買唔買2房,未諗
眼見有某d討論區d人話,綠表有屋住緊,唔駛急住買,遲d仲有好多居屋,有市區,如:綠置居
唔知大家覺得如何?
我自己就o係到諗
住開屯門,天水圍工作,搬到天水圍都好合理,搬出市區會唔慣
而且西鐵沿線既屋苑:屯門(瓏門),兆康(兆康苑),天水圍(天盛,屏欣),朗屏(n咁多私樓),元朗(新元中,yoho),荃灣西(n咁多私樓)
再遠唔講了,基本上,除左天水圍站,都冇乜邊個站附近仲可以起到居屋....
而家就連天水圍站今次起完屏欣,下次再起居屋?起o係邊?都冇人知
如果今次唔買,下次就冇鐵路沿線.....
所以想請問大家,今次睇唔o岩,諗住點?或者綠表會唔會買居2?
居2我睇左天盛,好貴.....
利申:唔接受駁車,駁多程,大把選擇
再利申:我係屋村仔一個,讀得書少,希望大家唔好介意我講野直,唔識轉彎,或者令大家睇完都唔明我up乜
我純粹諗緊,屏欣是否必買
本帖最後由 brianabcd246 於 2016-03-15 13:01:55 編輯