想問我一房單位，用木紋磗什么size才合適？大好还細好，除了外觀不同之外，一般正常用咩size好？？Thx,有图！
另外扇形同鑽石形浴庰有咩分别？？我係葵2的，如果係選時有咩要注意？？玻璃有厚薄之分？？邊仲好？？？
萬分感激，我咩都吾識，Thx!

樓主師父你好，先多謝你喺度義務答我哋問題，雖然刨完呢個post知咗啲之前完全唔知嘅嘢，但門外漢真係明唔晒想問清楚少少，希望唔好介意  
我係舊長型，未入過去睇亦未拎匙(因翻新緊同連相似單位都冇得睇)。過對面隔離係入咗廚房先入倒廁所嗰種，23.1平方米大。睇過話應該水電再地板，再油油先到整櫃  
1)打算喺廚房個窗花欄裝窗，雖然唔知得唔得，因為房署職員同唔同屋邨職員連埋討論區會員都有唔同答案，但真係唔得會試著找區議員幫忙，所以假設可以裝咁問
窗上部分靠牆一邊打算整置屋內金屬架放冷氣機(不是分體式)，窗下部分是“燙”窗。窗嘅安裝係咪應同水電同步？因我怕裝備修過程落雨甚至紅黑雨撇入屋同埋窗係咪喺賣磚地方買？ 咩產地同牌子好？
人工同埋料大約幾錢？  
2)廁所水箱喺上面坐廁喺下面的，想換坐廁連水箱嗰種係咪即係要改喉？
想改埋個固定式花灑為一個托喺牆上掛花灑連接水喉(一般家庭用緊嗰種)，同埋廚房換水嚨頭係咪喺地板前整？
廁所打算整假天花連一般嗰隻圓形燈，廚房同廳打算用扁少少嗰隻光管，若要改喉係咪連呢啲燈嘅線之類都係水電個步驟？
加插蘇位係俾師父整定俾政府有關部門？ 都係水電步驟做嗎？
掣位同插蘇位都聽你的用20A，可以報價單或合約寫明嗎？
水電呢部分價錢大約幾多呀？
洗面盆連櫃同鏡櫃打算裝修完打算幫襯IKEA同IKEA裝埋  
3)地本來諗住自己鋪無縫地板，但睇過你話唔襟應該都唔會了。鋪拋光磚(係咪“另”面嗰種)60cmx60cm係咪較好？定瓦色磚或竹地板好啲？
之前睇過另一個舊長型單位，廚廁牆鋪白方磚地鋪瓦色磚，都OK，唔打算換，耐用嗎？
地磚打算出旺角或屯門買，想問淨係廳會鋪磚人工大約幾多？  
4)油方面大門同門框仲有廁所門框都應該係磁油，咩牌子較好？
廚房個玻璃門啡色框都打算油應用立邦五合一定磁油？
牆打算用粉色(如無意外粉紫)，天花睇你講油白色，都選立邦五合一。廳牆同天花加廚房天花係咪起碼鏟三浸灰，施拿，再起碼油三浸立邦五合一？
廁所假天花個真天花係咪淨鏟三浸灰加施拿就可以？(施拿即係防潮？)
油油方面大約人工幾多？可唔可以合約或報價單度寫明鏟灰同油油浸數？  
5)廁所門打算換巴士門(一樣先假設可以換)，係咪可以油完哂油整埋假天花先裝？  
6)廚房吊櫃都係打算後期IKEA買包裝(同廁所洗面盆連櫃同鏡櫃一樣)，但得上面，背面，左面(3面)上釘夠力嗎？  
7)廚房窗的冷氣機金屬架師父係按一定比例製造還是要先見冷氣機實體再度身訂造？
油完油整？
人工連架料係幾多？
8)抽油煙機喉個五至六寸窿係咪造個窗時就應該埋(有另一個細四方位)？(打算後期先連廚房吊櫃買)  
9)灶頭連鋅盆嗰度嘅廚櫃未諗定訂造還是自己做，視乎已經要洗幾多錢。打算用電磁爐，所以爐灶用夾板整櫃桶，面同鋅盆嗰面用德利板(係咪中學lab枱面嗰種防火耐熱膠質地)OK嗎？因雲石應該會好貴。用電磁爐係咪唔洗理煤氣位？  
10)我諗我匙都未拎就問題多多可能有啲那個，但大約有諗過點整所以問定到時揾師父可分辯倒佢有冇水我。我睇討論區有啲心水裝修公司，之前睇話有分判頭同師父，想問有咩分別？可點分佢係揾其他人嚟做還是佢自己揾人連同自己都會做？(雖然呢個問題冇人問應該個個都識，不過我真係唔明)   唔該哂樓主師父睇呢篇千字文

唔講其他, 淨系間房都要萬萬聲一間
二萬五搞得掂?你信就可能會有o既
請你爬下文, 你o既問題就會解決

剛剛有間私人屋苑做200X900木紋磚
o的磚拱到你唔信, 個屋主買百幾蚊件, 標榜意大利野
其他依家做木紋磚, 做150X600就好了
一樣會有拱o既問題, 但比較輕微, 同埋做個陣易就
玻璃你是指什麼問題, 講清楚o的

第一, 你想知價錢, 唔該你用心o的爬下文, 第二邊PART做咩, 你直接問你師傅或判頭, 或者上網搵下爬下文
有關裝修過程概況, 好多FORUM都有得睇, 我亦都寫過
第三, 咩牌子好, 你指定師傳做個隻定點, 你俾得人做, 有價錢, 正常人地都唔會包o的差野俾你
第四, 有o的野我選擇性答你, 想知就再爬過文, 睇清楚o的!
1)水電同窗, 同唔同步系做個人o的安排, 無太過特定...窗你當系去鋁質公司訂, 同埋我再三咁講有o的野自己搞唔掂就唔好自己搞!
2)一定要改喉!
水龍頭做水時留定位就可以咁快裝上去, 轉頭泥水佬做完野你就可以換過個
做得水電改得喉你有咩要改一家要一次改埋, 詳細情況同你師傳或判頭傾下
加掣師傅解決, 邊PART做你同你師傳或判頭查詢, 我唔想寫裝修論文, 有心知全程系點可以上網爬下文
20A唔系個個掣都要用, 你先睇清楚同理解下我之前答人什麼,
用唔用IKXA你自己話事, 我唔多加意見
3)你中二就乜都好, 你唔中二就乜都唔好, 近海就竹地板, 正常地方做瓦仔就得
無耐唔耐用可言, 度度唔同, 政府野唔系同一班人做晒!
4)磁油o既野, 我只系講一句, 唔好用水性就得了
磁油!
唔系剷3浸, 系剷完索好施拿批3-4浸, 再油3-4浸, 唔同色需要浸數有差別!
5)油好晒油就裝得
6)你擺正常野就一定夠力, 呢o的野你同IKEA個師傳傾下啦, 我唔敢包保佢o的櫃一定硬淨  
7)冷氣架, 到時個冷氣佬會即度即做, 或者訂鋁窗個陣訂埋, 分體就直接買都可以
8)訂窗個陣界埋  
9)我想問返你轉頭, 講明系用電重要唔要煤氣呢?正常人都諗到啦下嗎?雲石貴唔貴你出去打下價先啦, 石o既價錢, 差別我之前絕對有講過
你話有爬過我o的文, 我覺得你系飛住睇, 或者無用心睇!
10)點樣做法, 各有一套, 你俾得人做, 你就要信人, 你自己都唔信人叫人點樣交好貨俾你?!
你有心水師傳或判頭就得了, 祝你好運!

咁便?

無話門唔門外漢, 學無前後, 努力爬文有著數,
裝修之路會好行好多。

麻石 vs 雲石, 師傅之前解釋得好清楚。

-------------------------------------

以下小弟意見。

姨媽啲廚櫃, 洗手盤櫃, 或者師傅都費事講, 咁就由我講啦。

安裝費超貴。
呢兩款嘢, 姨媽安裝費收得好金。
普通傢俬係貨價 10%, 廚櫃就閒閒地四千蚊過外。
仲有, 廚櫃裝工, 係外判嘅。

e0/e1 板做嘅廚具, 真係唔好諗住會好噤玩。
佢好多設計, 收兩粒兩吋鋼牙就可以上牆。
訂做也好, 現場做都好, 同師傅溝通好啲,
陰角落足三面拉爆都仲可以。

-----------------

最後, 誠心一句 : 用人不疑, 疑人不用。
希望你將來上樓後, 裝修順利, 稱心如意。

唔該哂樓主師父

師兄果然都系識貨之人!
大同意你最後個兩句
用人不疑, 疑人不用...

想問如果做好曬油漆,人造石窗台吸咀可以用咩痴?
同埋有個窗台,想痴馬賽克,又可以用咩痴?
Thx