本帖最後由 貓貓樣 於 2010-9-4 12:44 編輯
唐貓乖啲易養啲?!經理大人呢啲料邊度聽番黎架?點解乖啲易養啲妳又唔養既?。。。。。
新手養貓無論一隻定兩隻難度一樣,搞唔掂既就一隻都係搞唔掂。。。。。先唔好講咩"有無緣份",想成功養好一隻貓,係問人之餘,最佳方法係上網爬多啲相關既文章,再決定到底自己是唔是一個適合養貓既人,當然,家中環境同其他成員既配合亦好重要。。。。。
一隻家貓隨時會長命過一隻狗,十八十九年命好普遍,當中所花費既心力絕不少於湊個人仔,樓主先考慮清楚。。。。。
樓主朋友唔能夠"成功養倒貓"?!點樣養唔倒法?!可否講詳細啲。。。。。
選甚麼種類既貓係個人喜好,但千萬唔好"人云亦云",呢期興摺耳喎所以買摺耳,唔同品種既貓係性格上都各有不同,點樣選擇先啱無定義,呢啲都係需要諗得清清楚楚。。。。。
好多人養貓有錯誤觀念,以為貓唔同狗,無得教,其實貓一樣可以教到狗仔咁聽話,只係視乎個主人點做,教好一隻貓對主人實在有莫大既好處,如果唔是佢四圍柯屎柯尿抓爛梳化越叫越走唔放主人在眼內。。。。。到時都味話唔頭痕。。。。。
最後,養寵物要緊記,寵物始終係寵物,唔係人,唔該唔好俾佢上床一齊瞓,好唔衛生。。。。。