心好痛 心口好似有大石壓住抖唔到氣, 好怕去一d佢地去過既地方 好想逃避 因為一觸及傷口, 血同眼淚就會決堤咁止唔住流...
其實你要講既都同佢講哂, 一時三刻你亦無可能完全原諒佢當無事發生過...
佢亦仍處於被鬼迷既階段, 你而家講咩做咩佢都覺得你唔體諒佢...
佢同個女人應該會拖拖拉拉多一段時間...無辦法, 男人就係咁拖泥帶水...
但以個女人既前科, 佢同你老公唔會耐...相方都有家庭, 個女人之前仲上過新聞...佢地如果要一齊會面對好大既壓力 好多評論, 佢地既關係一開始已經好似一個比虫蛀左既萍果...只會越來越爛...一個可以預測到既結局...無好結果
至於你...除左你自己 無人幫到你...傷痛一定會, 眼淚一定流...只要記住囡囡仲需要你!
做好自己, 照顧好囡囡, 照顧好自己, 照顧好家庭, 有時間去學下新事物, 充實下自己...一個活得開心有自信既女人比一個只會攻心計既女人漂亮得多!
至於離唔離婚...? 大家都心亂如麻, 唔好而家決定, 比多少少時間大家抖一抖冷靜後再決定吧~
一對夫妻一世人流流長一定有唔開心事要面對, 可唔可以走下去, 就睇相方有無心去面對 解決 維係下去...過到呢關, 關係會更好的! (過來人經驗)