|
（帳戶名稱被屏蔽）
|
鄰居搬走了，唔使再過永無寧日，受盡滋擾日子啦！
鄰居係一對好特別既夫婦，間屋要房署幫佢改裝過先住，佢又係好活躍「投訴」
 ，據講住佢附近既人都會有幸感受到佢既深厚「功力」 我講下我地個單位先： 1. 吉屋時話我地半夜好嘈，講野好大聲 ..........屋署即黎家訪視察、影相  2. 吉屋時半夜有鑽嘢聲，話我地鑽牆、鑽地野 (問過其他鄰居，無人聽到有呢d聲).............................屋署又即黎家訪視察、影相  3. 夜晚7點吸塵，又投訴太嘈，看更上門要求唔準吸  4. 平日朝早10點 (我仲訓緊覺  )，看更上門瘋狂按門鐘問我地有無鑽牆，因為有人mark左我地個單位投訴，佢地要搵唔音來源，答完無佢就走左。11點，又瘋狂按門鐘再問同一問題 12點，又瘋狂按門鐘再問，因為佢每個鐘都投訴。 (人地日頭鑽野都唔得？！平日朝早喎！) 5. 因為呢位鄰居係mark 個單位投訴，指明我地鑽野，呢樣野每星期都發生。第四項不斷案件重演咁投訴，我唔開門就收房署電話，(如果唔聽電話，佢地會call n次 + 留言)問我地有無鑽野。我答完警告唔好再因呢樣野按我門鐘，叫佢自已報警 點知佢話佢地有責任搵嘈音來源 待續本帖最後由 az 於 2015-01-31 02:52:13 編輯 |
||
|
|
|||
|
（帳戶名稱被屏蔽）
|
6. 有次朝早11點，我朋友到訪幫我安個層架之類既野，total鑽8個籠，鑽左2個孔時收房署電話 ...........
 我個fd話算啦，去食飯先，怕左佢  。2點番黎鑽埋其餘6個孔，結果剛鑽完，房署即刻上門影相家訪，仲好鄭重講：「因為鄰居好怕嘈，你日後要鑽孔請先通知屋署，等房署問準呢位鄰居，等鄰居安排好你地鑽牆既日期、時間先可以」  你無病呀，鑽個層架都要等鄰居批準  7. 有次，日頭看更又發揮瘋狂式按門鐘，答完佢無人鑽野後，忍唔住落大堂嘈，日光日白有人鑽野都按我地門鐘，點知看更勁火話：「你地唔好再鑽野啦，我宜家警告你地，人地指明你單位發出嘈音，唔理日頭完夜晚都唔得，你地再鑽野就告你」 結果又嘈黎 ，乜肯定我地個單位鑽野咩？！  後記補充：呢位座頭看更第一日黎我座樓，所以唔知呢2位「頂頂大名既人士」既慣性。 8. 一家幾口夜晚去完街回來，見到個看更呆企係到，問下做乜，原來鄰居又報聲聽到嘈，不過呢個看更好醒，無按門鐘，只企係到聽下  9. 過一排又收到房署電話，問我地單位有無做緊工程，有無打緊樁 (死啦，忍唔住爆佢，係咪IQ題？  到底派左幾多呎單位俾我地？打樁？ )10. 有時又收電話問我地昨日幾點有無開過鐵閘出門  11. 一陣又收電話問我地夜晚有無去過廁所，有聲，太嘈.............刪下數百字................去廁所都關佢事？  12. 星期日下午，屋企得一個人，開罐汽水坐係到休息下，連電視都無開，結果又中，唔好意思，罐汽水把口剛才俾我整痛左，，拍左一聲咁叫，一定係太嘈啦 #6繼續本帖最後由 az 於 2015-01-31 06:32:31 編輯 |
||
|
|
|||
|
心情動態：
來自葵聯邨 |
你鄰居係咪有幻聽呀,不過好彩佢搬左,如果佢繼續住,遲早比佢搞到精神衰弱
|
||
|
擴2,G12668XX,
11/12/2010藍卡, 29/01/2013審查, 27/02/2014第1次收信預派葵聯二期 08/07/2014正式簽約收樓 終於有自己嘅安樂窩 ( ^ _____ ^ )
|
|||
|
心情動態：
來自德朗邨 |
|
||
|
市3 / G1219xxx , 2008/10月 收藍咭,
2013/09/18 : 第一次興華二村(不合理拒絶) 2013/09/19 : 轉拒絶字 2013/10/11 : Step 2 2013/10/23 : Step 3 2013/10/29 : Step 4 , 11/01 收信, 德朗是我家^^
|
|||
|
（帳戶名稱被屏蔽）
|
最後呢對夫婦成功申請到調遷，調左去德朗 (都係唔講太多，原先佢2人係住緊3-4人單位，宜家應該會仲理想。
 ) 平日d看更對佢地好好招乎，好有禮貌，好客氣，見佢地出入會「衝」出黎去招乎開門，親切殷勤服務 本帖最後由 az 於 2015-01-31 08:55:45 編輯
|
||
|
|
|||
|
心情動態：
來自德朗邨 |
傻的嗎？佢搬去青山呀？佢一定有幻聽啦！
 買私樓都無咁好服侍更何況公屋  不過啲食蕉都有問題啦要其他鄰居就1戶傻嘅  你忍耐力都算勁辛苦你喇！ 
|
||
|
愛家人、愛旅遊、愛美食、愛入廚、愛扮靚、愛閒聊！學懂珍惜我現在所擁有的一切，感恩知足我現在擁有的幸福快樂！ღ♛‿♛✿ღ
|
|||
|
（帳戶名稱被屏蔽）
|
你鄰居係咪有幻聽呀,不過好彩佢搬左,如果佢繼續住,遲早比佢搞到精神衰弱
|
||
|
|
|||
|
（帳戶名稱被屏蔽）
|
你鄰居好變態, 但管理處更奇怪. 
|
||
|
|
|||
