快將派屋 想就近照顧長者…求賜教🙏

sumsumsunsun

快將派屋 想就近照顧長者…求賜教🙏

申請期間一直同父母同住…依家排咗八年…就快派屋…唔想離父母太遠…但房署話要我自己寫申請…要求房署授權社署跟進…唔識點寫…求指教 🙏

補充：父八十…母七十幾…長者病患…因為父母唔想搬離原單位…所以當時無申請擠迫戶調遷…現時未派公屋…所以我地都唔符合天倫樂。

sa31010

同問

Jazkie

如果長者有長期病患, 你可以直接係老人家覆診時，一齊去搵醫院社工幫手。

搵房署再轉介，要好耐既時間，重點係寫點解要搬近長者同埋授權畀房署去將你既"需要"轉介畀社署幫忙。
最好寫明病歷，例如 有腎病要洗腎、自我照顧有問題，有政府醫生信會更加好。
如果只係年紀大、老人病，房署覺得冇呢個需要，佢唔會轉介畀社工。(即申請失敗)

其實佢既部驟係，房署搵社工去幫你，覺得你地有咁既需要，再搵醫生/上級確定長者需要照顧，社工再需要去見你父母同你，睇下係咪真係需要，然後社工先會再將所有資料轉交房署，先至有可能派同區。
而派既時間, 比一般時間長。

mon2005

直接申請護老院好了，根本以你一個人不可以照顧兩個長期病患老人，最後只會釀成悲劇

王大媽

回應 #1 sumsumsunsun

老實講所有長者都有病患，你有好嚴重先得，識個老友記住仁濟半年，好番少少就要出院，佢獨居冇自顧能力，開頭好彩有教友幫助，後尾醫院社工1個月內安排佢細仔加名入佢公屋，再轉大單位（5人），你真係要呢d先有人理你。

sumsumsunsun

回應 #3 Jazkie

收到唔該，醫院社工問過，只接受殘障，洗腎等，我屋企情況係父母心臟病高血壓E一類要揾家庭綜合服務嘅社工，已經開始揾房署轉介，但寫錯過一次襯彈翻重寫，因為我授權書選咗照顧老人，佢話咁意思係希望社署幫手照顧老人，我完全搞錯曬!，所以E+一頭霧水唔知點寫

sumsumsunsun

回應 #5 王大媽

冇錯冇錯，但房署社工就叫我申請咗先，得唔得，睇主任批唔批，但我連點寫都唔識

G1401

回應 #7 sumsumsunsun

試吓搵你爸媽住緊屋邨嘅區議員幫手 或者佢哋識寫

飛faiyu772

回應 #6 sumsumsunsun

樓主：
殘忍啲講三高/都市病，未必咁易指定地區，不過只要妳有毅力或者可以成功。
建議C姐搜尋，當區家庭綜合服務中心的名單，然後逐間踩入去，其實每間都有當值社工！
*對方肯見，妳就表明來意尋求協助，記得自己準備好雙親嘅病歴、相關資料。
*妳同社工講嘢態度誠懇啲，臨走時表示願意留低病歴、方便開file。
*當區=雙親現居地方，絕對不能跨區，因為不受理！

Yumayu

其實你預左唔得先
因為呢啲病10個長者8個都有
社工一日都收唔少呢啲求助
未去到殘障級別都好難幫你
醫生紙就更加唔駛諗
因為要舟車勞頓既唔係病者
健康既成年人搭遠程少少去照顧係冇問題