前幾排見塊面生左好多暗瘡走左去做FACE SO點知......唉
無人介紹...自己睇下邊間門面好D就入左去,佢一見到我就話我D瘡好勁
咁我咪話做單次暗瘡療程試下先$200一次,訓低左佢話我果D係痤瘡要做幾次慢慢
放D"龍"先會好加上我塊面好乾如果做暗瘡療程塊面會勁脫皮,叫我開一個
防敏感療程$280一次,一次過買5次可以有9折=$252一次.....就係咁我落左搭
第2次返去佢話個防敏感療程無暗瘡水加喎!你塊面仲有好多瘡加左會好D要$60....我又加
第3次其實我D瘡已經好返好多佢都仲叫我加藥水又要$60....我再加
第4次佢見我D瘡好返曬就話我塊面好乾加個去印水份MASK會對D暗瘡印好D要$100..我又再加
第5次佢竟然話上次個MASK對我好好咁奈都仲咁有水份上次個MASK平左比我如果今次加要加多$400....
我心諗之前話1次$252如果加$400咪成$652一次.......我老公返1日工都係得$400一日
所以我今次死都唔會加,佢知我唔加都有D唔鍾意,之後又叫我買喱樣買果樣,佢叫我買果D成幾千蚊一SET
話我塊面好差講到我成個科學怪人咁.....
做完之後佢都仲叫我比D訂留返下次再做送D護膚品比我...但係我話下次先無理佢走人
我都唔敢同我老公講一陣又比佢話我蠢.....