請問自己搵師傅清拆前租客留下的地磚要幾錢？

kwan0021

請問自己搵師傅清拆前租客留下的地磚要幾錢？

過幾日準備去收樓，信入面寫左封自行清拆可以拎返5個月租金資助。但如果出面自己搵師傅黎清拆的話大約係咩價錢？
因為問過朋友，佢話睇樓既時間就要決定晒一切，可能短短15-30分鐘時間，都無時間去左思右想，所以想問定大家先。
仲有想問多個問題就係會唔會有啲單位比我睇既時候啲間房同冷氣係仲未清拆，如果收左佢果啲自行清拆費用就要我自己去清拆晒？
Thanks

豬女

睇完先啦, 地板啱心水咪唔好拆囉, 又環保又慳錢,
同埋好似唔使即刻覆佢喎, 應該可以有少少時間比你考慮的。

kwan0021

回應 #2 豬女

如果唔洗即刻覆就好好多??????
但都想了解下出面清拆要咩價位

chkl32

豬女

回應 #3 kwan0021

未睇之前打去問下佢咪得囉, 如果要即刻覆嘅你可以試下預早少少上去睇,待人住嘅單位好多都無鎖。
出面搵人做好難講, 我細妹試過出去格價可以相差好遠 !

飛faiyu772

回應 #1 kwan0021

C兄：地磚如果完好無缺，有關部門都會留低，他們的標準唔著重美觀，只要求安全。現在的裝修費平貴都有，視乎你有幾多預算？呢度的網友如果派到舊邨，多數係直接鋪一層新的在上面，可以慳＄慳時間。房署一定拆走前租戶的裝置，例如有間房、冷氣.…主要係唔想承擔責任。
*你朋友的資料不正確，睇完吉單位之後，會有足夠時間比你考慮的*
**請問是否屬於調遷？抑或剛獲配屋？如果是後者，希望你慷慨分享申請編號，只要開頭的四個數字，俾同路人參考，發揮互助精神，先謝謝了。

ceo222

回應 #1 kwan0021

冷氣，鋁窗一定會柝走的，吾會留低，舊地磚如果比我的話，如果係靚我會留，如果吾靚我會用來做底，自己舖膠地板，靈活變通，吾一定要舖地磚的，咁樣慳幾萬，值得。

何jennyho

回應 #1 kwan0021

师兄派左边度？单位有几多尺，我可以帮手问下价钱。

田代

五個月租金當20,000
就算人哋開你萬八
需唔需要咁慳 賺嗰兩千蚊 有咩肉食姐？
除非你自己整
房署整乾手淨腳

worldcat

拆唔貴 3000~4000，但泥頭費都要再加3000。如果無其他嘢整，成本會貴啲。
最好都係睇左單位先，有幾多嘢接受到唔搞先再決定。地磚係重要，但牆身殘舊度都係因素。同埋，房署返新都未必會拆地磚。津貼5毎個月，等於16~20年，現況差別可以好大。

睇左覺得自己搞得掂，例如"用返舊磚/SPC地板/膠地板+自己油牆"或者出去搵人搞，咁當然慳得就慳食津貼。如果租緊屋，又隨時慳返一頭半個月租金(就算要津貼，房署都會跟返水電制。)。
但睇過後自己無乜能力翻新油牆等等或者好殘要剷底先得，咁就不如房署搞返晒先。