請教特快公屋問題

tklui2004

請教特快公屋問題

見到有部份單位有租金優惠，但特別事項沒有提及任何事情發生，點解會有租金優惠？謝謝先

楊管

回應 #1 tklui2004

https://cyclub.happyhongkong.com/viewthread.php?tid=309289

魚仔曲其

問題系點解空置咁耐？無理由唔派出哩既。個人估計系以前派過出哩。但有人去了解過後無要。經幾輪都無人要。咁系平小小吸引人咯。唔系無理由

jasonkkw

通常都係大家唔鍾意既舊樓，有好多人都好介意住舊樓，所以咪出現好耐都租唔出

WINKYCHAN

通常都係大家唔鍾意既舊樓，有好多人都好介意住舊樓，所以咪出現好耐都租唔出
jasonkkw 發表於 2021-09-15 19:54:14 原文

舊得嚟可能邨本身位置 單位座向又唔理想，好似好多人默認某啲邨就係骨（唔係單純係舊邨）係普遍人都覺得骨而仲有選擇嘅情況都唔要，咁咪一直空置，繼而就去咗特快輪迴

ping1112430

回應 #5 WINKYCHAN

上年好多揀大興都清哂，今年反而大興單位都小左

jasonkkw

舊得嚟可能邨本身位置 單位座向又唔理想，好似好多人默認某啲邨就係骨（唔係單純係舊邨）係普遍人都覺得骨...
WINKYCHAN 發表於 2021-09-15 20:16:26 原文

咁講啦，彩虹和樂最適合做例子，我見10個有7-8個因為舊唔要，交通配套其實都唔錯，你話三順二興就無計，嗰D一聽到又話骨了，又好慘咁，咁每個人都有佢自己既諗法既，住嗰係佢同屋企人，其他人講既野只係意見

BB1103

單位既樓齡，樓層，環境，位置
都會影響受配人士選擇

有些單位可能配上幾次受配人被拒絕
或舊或地點

當配上一年，便會開始納入不受歡迎並加入半租優惠
以達致減低空置，善用資源

1年8月半租，2年12月半租

WINKYCHAN

咁講啦，彩虹和樂最適合做例子，我見10個有7-8個因為舊唔要，交通配套其實都唔錯，你話三順二興就無計，嗰...
jasonkkw 發表於 2021-09-15 20:46:49 原文

彩虹和樂一定骨唔過三順二興，始終有好多人冇上呢個谷，出面如果住開東九應該都有人接，好似彩虹其實特快長期空置單位唔係太多；如果有子彈想再搏係人之常情嚟，排咗咁多年，個個都想住得好有個安樂窩，首派底層 近垃圾房 電機房唔想要都正常，又例如某啲邨地理位置真係隔涉唔方便，呢啲都係改變唔到，耐咗就冇人願搬入去，除非搏盡最後一派硬食啫……

jasonkkw

彩虹和樂一定骨唔過三順二興，始終有好多人冇上呢個谷，出面如果住開東九應該都有人接，好似彩虹其實特快...
WINKYCHAN 發表於 2021-09-15 21:01:31 原文

所以只可以話每個人既需求唔同，在於我自己啦，無講其他人既決定係唔好，只要係交通配套可以，舊有咩所謂，除非真係好低層，我覺得自己急上樓既話，上樓好過捱貴租，如果佢地係等得既，其實都無想像中咁急住上樓，有部分既人係怕住唔夠幾年，佢地所謂既舊樓就拆，佢地洗左咁大筆錢去裝修，唔住翻夠本點得，但同時佢地無諗過可能而家佢地都捱緊貴租(或又者佢地唔介意)，計翻條數都唔係差得好遠，所以我頭先都話每個人既決定都係自己揀既，所謂骨與唔骨都係睇自己既選擇，又或者除左部分好偏僻既地方，有D其實係可以既，但又嫌舊又嫌井型，又驚小朋友會跳落去咁，咁就惟有再等，到最後3派唔理想，就惟有硬食，話房署既制度唔公平，點解有人3派都新樓，佢3派都係所謂既舊樓井型樓，好慘咁，但我地要諗深一層，其實公屋只係一樣比基層市民/有需要既人士申請，我地無得揀係正常，如果真係想有得揀，就惟有去買私樓，而非公屋，如話語中有得罪既，煩請見諒，謝謝!