綠置居2021：揀邊款租置單位？

MoonHeiYuet

綠置居2021：揀邊款租置單位？

綠置居2021，如果抽到，並打算購買租置單位的你，會選擇邊類型單位？以下分享，為個人所知及見解：

Y2 Y3 Y4，應該係租置屋邨最深入民心，同現代家居格局相似，容易間房，而 Y3 Y4 更設冷氣枱；但 Y2 洗手盤設於廁所外，不過問題唔大，反正都會大裝修執過位。

相連長型，間格實用，容易間房；大部份單位設有露台，有個不銹鋼晾衫架，唔用可以反上來摺埋佢。最正係，鐵閘同大門之間，有個方形空間，係唔收錢送的，視乎單位，大小不一，細則擺到個鞋架仔，換完鞋先入屋，大則可以擺到大鞋櫃。

新長型，個則都實用，約30平方米，同一房單位面積相約，間兩間房都唔係問題；但衰在，咁大間屋，先得一隻大玻璃窗，搞到一係黑廳，一係黑房。

工字型 (H型) ，字面上個面積，雖然略大過一房單位少少，但棟樓俾人個感覺好舊，單位唔係現代家居格局；除單邊單位有玻璃窗外，其餘中間的單位，沒有玻璃窗，只有大露台個大鐵欄，露台又太大，搞到廳房細；廁所又喺露台出面，唔太方便，露台同廳之間，又一大排百葉窗；由於個格局衰，你買左之後，要額外花多筆，數以十萬計的費用改裝單位，露台拆鐵欄換鋁窗，拆百葉窗，甚至有人拆細個露台，間一間房。咁舊咁樓，仲要無端端用多十幾萬改裝，好似有啲梗硬買，唔係咁值得，不如下次再抽好過。

舊長型 及 Y1，約23平方米，開放式單位，應該只有一人或少數兩人家庭會買。絕大部份大廈都係，廚房用鐵欄，沒有玻璃窗，廚房同廳之間，配鐵製玻璃門，部份則換了鋁製，另外廁所沒有熱水爐通風口。

部份大廈，採用較後期的改良設計，廚房原裝已改用鐵窗，出售前則應已換鋁窗，而廚房同廳之間，大部份只設一幅矮牆，半開放式廚房設計，另外廚房加設熱水爐通風口。大門亦略為移位，使大門其中一邊，可橫放一張床，令空間同擺位更實用，不用像舊設計般，只能打直擺床。

採用新設計的租置屋邨包括：
舊長型 — 翠屏北邨(僅翠桃樓，此座之廁所，更改用鋁窗，取代百葉窗）
Y1 — 山景邨、利東邨
另外，富善邨及李鄭屋邨，相關大廈，廁所門改設於廚房內。

Y3 Y4 相連長型 新長型，1或2人，設獨立廚廁之劏房單位，設計三尖八角，只有相連長型的稍為四正。此等單位，相信只有極少數，單人申請者會選購，不詳談。

多選投票 ( 最多可選 8 項 ) 共有 30 人參與投票

1. Y2、Y3、Y4 一房以上單位
	50.00% (24)
2. 相連長型 一房以上單位
	6.25% (3)
3. 新長型 約30平方米單位
	12.50% (6)
4. 工字型 大露台鐵欄單位
	6.25% (3)
5. 舊長型、Y1 約23平方米 開放式單位
	0.00% (0)
6. 1人或2人 劏房單位 (Y3, Y4, 相連長型, 新長型)
	0.00% (0)
7. 剩返開放式單位就唔買，下次再抽
	12.50% (6)
8. 開放式唔買，但大單位剩返工字型都唔買，寧願下次再抽
	12.50% (6)
您所在的用戶級別沒有投票權限

MoonHeiYuet

個人選擇：
相連長型 > Y2 Y3 Y4 > 新長型

工字型 買唔落手，開放式單位，有咩理由用間公屋換，下次再抽過算 ?

楊管

舊長型徙置大廈(例如葵盛西邨)都不錯｡

https://cyclub.happyhongkong.com/viewthread.php?tid=302327

MoonHeiYuet

舊長型徙置大廈(例如葵盛西邨)都不錯｡
楊管 發表於 2021-06-29 02:08:30 原文

不過只有相中呢款舊長型係有得賣

Y1單位個則，同呢款 舊長型 一樣，但面積略大少少，但根本就唔覺有大到。其實Y1即係，Y型外形的舊長型。另外，Y1單邊單位，個廳會多隻玻璃窗，即使廚房係用鐵欄果啲。

呢款單位，我個人認為，廁所門開喺廚房入面果啲，個廳其實仲方便擺家俬，不過有啲人，覺得煮做左時，廁所的臭味，會傳去廚房度，而唔鍾意。

呢款舊長型，我只知李鄭屋邨，係廁所門設於廚房內。而Y1則，較早落成的大廈，廁所門設於廚房內。

另外，呢款舊長型，好多頂層都係沒電梯可到，要行一層樓梯。部份大廈，垃圾房或樓梯對面，會設有一個，同款設計，但面積較細的單位，例如 李鄭屋邨、啟業邨、翠屏北邨翠桃樓等。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

skleung88

hoima

kwokchisan001

Y3

SLLAM

應該拎啲和諧式出嚟做綠置

Aping

Moleung1974

?