就延遲收樓一事，相信大家都好失望，也令好多業主大失預算，包括本人，先不論我地已經等咗超過3年，以及延期為我地帶來嘅問題，我最擔心一樣嘢係會唔會再延期，上網睇返之前嘅case，只要有所謂合理理由又得到政府批准，係絕對可以再延期，跟本對小業主全無保障！
雖然明白呢一刻根本無人可以保證到啲咩，但希望用可行嘅方法，要俾房協同俊和知道唔係無人理，故此本人首先聯絡將會參選帝怡選區嘅謝潔泳，希望佢會為我地敦促房協監督工程，及向有關政府部門反映問題，但從佢嘅回應真係睇唔岀佢係有心幫助區內居民...
之後再聯絡同屬沙田區政另一選區嘅陳兆陽，佢得悉問題後聯絡房協一個主管，房協回覆佢其實已經起好九成，申請緊入伙紙，但自鉛水事後，申請入伙紙時間耐咗好多...
其實之前都有師兄講過8月已申請緊入伙紙，究竟咩原因要延期5個月？真係關天氣事？定係有咩其他問題？
也希望各位未來街坊都可以問一問謝潔泳，等佢知道呢個都係佢區內一個要關注嘅問題
**附上與謝潔泳嘅對話圖本留言最後由 cyrusyau 於 2019-10-12 19:04:03 編輯
